मुंबई | राष्ट्रवादी काँग्रेसचे माजी आमदार संदीप बजोरिया यांच्याकडे मोठी रोकड सापडल्यामुळे ते चांगलेच अडचणीत आले आहेत. बुधवारी विमानाने नागपूरहून मुंबईला येत असताना बाजोरिया यांच्याकडे तब्बल ४० लाख रूपयांची रोख रक्कम सापडली आहे. बजोरिया यांच्याकडे ४० लाख रुपये रोख सापडल्यामुळे एकच खळबळ उडाली आहे.
बजोरिया यांच्याकडे असलेली ही रक्कम आली कुठून यावर बजोरिया कोणतेही स्पष्ट कारण देऊ शकलेले नाहीत. त्यामुळे रोकड आयकर खात्याकडून जप्त करण्यात आली असून चौकशीनंतर बजोरियांना सोडण्यात आले आहे. मोठी रक्कम सापडल्याने माजी आमदार बजोरिया सध्या आयकर विभागाच्या रडारवर आहेत.
चौकशी दरम्यान संबंधित रक्कम वरळी येथे घर विकत घेण्यासाठी आणल्याचा दावा बजोरीयांनी केला आहे. मात्र, आयकर विभागाने त्यांची कसून चौकशी करण्यास सुरूवात केली आहे. आयकर खात्याने मात्र बजोरियांचा खुलासा फेटाळला आहे. बजोरिया सिंचन घोटाळा प्रकरणातले खासगी कंत्राटदार आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
