नवी दिल्ली | दिल्लीचे मुख्यमंत्री अरविंद केजरीवाल यांच्या सुरक्षेचा प्रश्न पुन्हा एकदा ऐरणीवर आला आहे. केजरीवाल यांच्या घरासमोर आयोजित करण्यात आलेल्या जनता दरबार कार्यक्रमामधून एका संशयिताला अटक करण्यात आली आहे. मोहम्मद इमरान (३८) असे या संशयित व्यक्तीचे नाव आहे. या संशयिताकडे जिवंत काडतूस सापडल्याने त्याला अटक करण्यात आली असून या प्रकरणाची सखोल चौकशी सुरु आहे.
मुख्यमंत्री अरविंद केजरीवाल यांच्या जनता दरबार कार्यक्रमात मोहम्मद इमरान अन्य १२ इमाम आणि मौलवींसह सहभागी झाला होता. हे सर्व दिल्ली वक्फ बोर्डमधील कर्मचाऱ्यांच्या पगारवाढीचा शिफारस करण्यासाठी जनता दरबारात आले होते, अशी माहिती मिळते. यावेळी तपासणी करताना त्याच्या खिशात पिस्तुलाची जिवंत काडतूस सापडली.
अरविंद केजरीवाल यांच्यावर मागील आठवड्यात एका अज्ञात व्यक्तीने मिरची पूड फेकल्याची घटना घडली होती. केजरीवाल सचिवालयात तक्रारी ऐकण्यासाठी गेले असता हा सर्व प्रकार घडला होता. यात केजरीवाल यांचा चष्मा तुटला. सुदैवाने केजरीवाल यांना कोणतीही गंभीर इजा झाली नाही.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
