नवी दिल्ली – भाजपा खासदार नाना पटोले यांनी काँग्रेसचे अध्यक्ष राहुल गांधी यांच्या उपस्थितीत पुन्हा काँग्रेसमध्ये प्रवेश केला. पटोले यांनी अधिकृतपणे भाजपाला सोडचिठ्ठी दिल्याची माहिती काँग्रेसच्या ट्विटर अकाऊंटवरुन देण्यात आली आहे. काँग्रेसच्या सांगण्यावरुन पटोले यांनी खासदार पदाचा राजीनामा दिल्याच्या चर्चा राजकीय वर्तुळात रंगल्या आहेत.
भाजपामध्ये जनतेच्या हक्कासाठी लढणाऱ्याचा आवाज दाबण्याचा प्रयत्न केला जातो. त्यामुळे भाजपाच्या खासदारकीचा राजीनामा दिला असल्याचे माजी खासदार नाना पाटोले यांनी सांगितले. मी कोणत्या पक्षात जर गेलो तरी मी जनतेच्या शेतकरी, गोरगरीब, युवक, सुशिक्षित आणि महिलांच्या हक्कासाठी लढत राहणार असल्याचे स्पष्ट मत नाना पटोले यांनी केशोरी येथे आयोजित केलेल्या जाहीर सभेत बोलत होते. तसेच केंद्र व राज्यात भाजपा सरकार जातीय तेढ निर्माण करुन महाराष्ट्र पेटविण्याचे काम करत असून हे जातीय तेढ थांबविणे गरजेचे आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
