नागपूर ।”अयोध्येत राम मंदिर बनवण्यामध्ये येणारा अडथळा नरेंद्र मोदीच आहेत,” असे आंतरराष्ट्रीय हिंदू परिषदेचे अध्यक्ष डॉ. प्रवीण तोगडिया म्हणाले आहेत. रविवारी (७ ऑक्टोबर ) संघभूमीत येऊन तोगडियांनी राष्ट्रीय स्वयंम संघ व नरेंद्र मोदी यांच्यावर टीकास्त्र चालवले आहे. संघावर दबाव असल्यामुळे कुणीही राम मंदिराबाबत पुढाकार घेतला नाही. “माझ्यावर सुद्धा दबाब टाकण्यात येत आहे,” अशा प्रकारचा आरोप तोगडिया यांनी मोदींवर केला.
आंतरराष्ट्रीय हिंदू परिषदेकडून २१ ऑक्टोबरला लखनौ ते अयोध्येपर्यंत शांतिपूर्व यात्रा काढण्यात येणार आहे. देशातून वेगवेगळ्या भागातून रामभक्त या यात्रेत सहभागी होणार आहेत. प्रवीण तोगडिया या पार्श्वभूमीवर कार्यकर्त्यांशी संवाद साधण्यासाठी आले होते. “३२ वर्षांपासून संसदेत कायदा तयार करण्यासाठी आम्ही प्रयत्न करत आहोत. परंतु वारंवार आमच्याकडे दुर्लक्ष केले जाते. सत्तेत राष्ट्रीय स्वयंसेवक संघच महत्त्वाची भूमिका आहे. तरीही राम मंदिराबाबत निर्णय घेता येत नाही. संघाने लवकरात लवकर संसदेत कायदा तयार करण्याचे आदेश द्यावे”, असे ही तोगडिया यांनी सांगितले आहे.
प्रवीण तोगडियांनी म्हणाले की, “शिवसेनेचे आम्ही समर्थन करू तसेच शिवसेनेवर हिंदूंनाही पूर्ण विश्वास आहे. पक्षप्रमुखांनी राम मंदिर उभारण्या बाबत ठोस भूमिका घ्यावी अयोध्येकडे कूच करावे. बाळासाहेबांनी सांगितलेल्या मार्गावर चालावे.”
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
