नवी दिल्ली | “पाकिस्तानच्या संविधानानुसार पाकिस्तानचा राष्ट्रपती हा केवळ एक मुसलमान व्यक्तीच होऊ शकतो. मात्र, भारताचे अनेक राष्ट्रपती हे वंचित समाजातील होते. त्यामुळे पाकिस्तानने अल्पसंख्यांकांच्या अधिकारांबाबत भारताला शिकविण्याची आवश्यकता नाही. उलट याबाबत पाकिस्ताननेच भारताकडून शिकण्याची आवश्यकता आहे”, असा टोला एमआयएमचे अध्यक्ष असदुद्दीन ओवेसी यांनी लगावला आहे. पाकिस्तानचे पंतप्रधान इम्रान खान यांनी भारताबाबत केलेल्या विधानानंतर असदुद्दीन ओवेसी यांनी पाकिस्तानला खडे बोल सुनावले आहेत.
“काही भारतीयांच्या म्हणण्यानुसार भारतात अल्पसंख्यांकांना इतर नागरिकांप्रमाणे समान वागणूक मिळत नाही. त्यामुळे आता आम्ही मोदी सरकारला दाखवू की अल्पसंख्यांकांसोबत कसे वागायचे”, असे वक्तव्य इम्रान खान यांनी केले होते. प्रसिद्ध अभिनेते नसरुद्दीन शहांनी भारतात त्यांना वाटणाऱ्या असुरक्षिततेबाबत केलेल्या विधानाच्या पार्श्वभूमीवर इम्रान खान यांनी भारताबाबत असे वक्तव्य केले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
