मुंबई | मोठ्या उत्पादकांना आपले उत्पादन प्लॅस्टिक पॅकिंगमध्ये देण्याची सवलत आता किरणा दुकानांवरील प्लॅस्टिक पॅकिंगलाही लागू होणार आहे. याविषयीची घोषणा पर्यावरणमंत्री रामदास कदम यांनी केली आहे. पावकिलोपेक्षा अधिक वजनाचा माल पॅकिंग करण्यासाठी ही सूट देण्यात आली असून हे प्लॅस्टिक पुन्हा रस्त्यावर येणार नाही त्याचे रिसायकलिंग केले जाईल याची काळजी या दुकानदारांना घ्यावी लागणार आहे.
किराणा दुकानदारांना प्लॅस्टिक पॅकिंगमध्ये देण्यात आलेल्या सवलतीबाबतची माहिती पर्यावरणमंत्री रामदास कदम यांनी दिली. ते म्हणाले, किरणा दुकानदारांच्या शिष्टमंडळाने प्लॅस्टिक पॅकिंगसाठी सूट मिळावी म्हणून शिवसेना नेते युवा सेनाप्रमुख आदित्य ठाकरे यांची भेट घेतली. प्लॅस्टिक पॅकिंग विषयीच्या या प्रस्तावाबाबत आदित्य ठाकरे यांच्या उपस्थितीत पर्यावरणमंत्री रामदास कदम यांच्यासह मंत्रालयात बैठक झाली. या बैठकीत किरणा दुकानांवरील प्लॅस्टिक पॅकिंगसाठी असलेली बंदी उठविण्याचा निर्णय घेण्यात आला. मुख्यमंत्री देवेंद्र फडणवीस यांनीही या निर्णयावर शिक्कामोर्तब केले असल्याचे रामदास कदम यांनी सांगितले.
तर पावकिलोवरील किराणा मालाच्या पॅकिंगसाठी असलेली प्लॅस्टिक बंदी मागे घेण्यात आली असली तरी हे प्लॅस्टिक परत घेण्याची ही जबाबदारी संबंधित दुकानदारांची असणार आहे. हे प्लॅस्टिक रस्त्यावर येणार नाही याची काळजी संबंधित दुकानदारांची असणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
