मुंबई | महाराष्ट्रातील बहुप्रतीक्षित असा मराठा आरक्षणाच्या एटीआर मुख्यमंत्री देवेंद्र फडणवीस यांनी विधिमंडळाच्या पटलावर मांडला आहे. यानंतर मुख्यमंत्र्यांनी एटीआरवर दुपारनंतर चर्चा करू असे म्हटेल आहे. विधिमंडळाच्या अध्यक्षांनी सभागृह स्थगित केले असून १.३०नंतर मराठा आरक्षणावर चर्चा होणार आहे.
मराठा समाजाला १६ टक्के आरक्षण देण्याची तरतूद करण्यात आली असल्याची माहिती विश्वसनीय सूत्रांकडून मिळाली आहे. शिक्षण आणि नोकरी या दोन क्षेत्रांमध्ये मराठा समाजाला आरक्षण देण्याची तरतूद या विधेयकात आहे, अशी माहिती मिळत आहे.
मागासवर्ग आयोगाने मराठा समाजाच्या सामाजिक आणि शैक्षणिक मागासलेपण सिद्ध करणारा अहवाल दिल्यानंतर, त्यावर सरकारने केलेल्या कृती अहवाल(एटीआर) कायद्याच्या प्रतीसोबत मांडण्यात आला आहे.राज्यातील अत्यंत संवेदनशील मुद्दा असलेल्या मराठा आरक्षणासाठी आज निर्णायक दिवस आहे. राज्य मागासवर्गीय आयोगाकडून अहवाल प्राप्त झाल्यानंतर मंत्रीमंडळाची उपसमिती नेमण्यात आली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
