नवी दिल्ली | राफेल करारात कोणतीही अनियमितता नाही, असे स्पष्ट करून सर्वोच्च न्यायालायने आज (१४ डिसेंबर) राफेल कराराची चौकशीची मागणी करणाऱ्या सर्व याचिका फेटाळून लावल्या आहेत. दरम्यान, या प्रकरणी प्रतिक्रिया देताना शिवसेनेचे खासदार संजय राऊत यांनी या निर्णयाचा अयोध्या राम मंदिराच्या मुद्द्याशी अजब संदर्भ लावला आहे. “सर्वोच्च न्यायालयाने राफेल विमान खरेदी कराराबाबत काहीही चुकीचे सांगितले नाही. राफेलची किंमत ठरविणे हे जसे न्यायालयाचे काम नाही. तसेच राम मंदिराचा निर्णय घेणेही न्यायालयाचे काम नाही”, असा खोचक टोला संजय राऊत यांनी म्हटले आहे.
Sanjay Raut, Shiv Sena: Supreme Court has said nothing wrong, deciding on pricing is not the Supreme Court’s job but similarly deciding on building Ram Temple is also not their job. #RafaleDeal issue will be sorted out in Parliament and not in SC. pic.twitter.com/NUi9VIThJL
— ANI (@ANI) December 14, 2018
“राफेल विमानांची किंमत ठरविणे हे न्यायालयाचे काम नाही. राफेल प्रकरण हे संसदेत सोडविले जाऊ शकते”, असेही संजय राऊत यांनी म्हटले आहे. केंद्र सरकार खरेदी करत असलेल्या १२६ लढाऊ विमान खरेदी प्रक्रियेत न्यायालय हस्तक्षेप करू शकत नसल्याचे सर्वोच्च न्यायालयाने स्पष्ट केले आहे. सरकारच्या निर्णयावर प्रश्नचिन्ह उपस्थित करणे योग्य नाही. राफेल करारासंदर्भात प्रत्येक लहान लहान गोष्टींची पडताळणी करणे न्यायालयाला शक्य नाही, असेही सर्वोच्च न्यायालायने स्पष्ट केले आहे.
राफेल विमान खरेदी करारात कोणतीही अनियमितता नाही, असे सर्वोच्च न्यायालयाने स्पष्ट केले आहे. यानंतर “राफेल कराराची माहिती राहुल गांधींना कशी मिळाली याबाबतची माहिती त्यांनी सर्वांना द्यावी”, असे म्हणत भाजप अध्यक्ष अमित शहा यांनी काँग्रेस अध्यक्ष राहुल गांधीना कात्रीत पकडण्याचा प्रयत्न केला आहे. “यापुढे राहुल गांधींनी असे बालिश आरोप करू नयेत”, असा टोलाही अमित शाह यांनी लगावला आहे.
राफेल विमान कराराला विरोध करत कॉंग्रेस अध्यक्ष राहुल गांधीसह कॉंग्रेस पक्षाने मोदी सरकारला वेठीस धरले होते. रिलायन्स कंपनीला विमान निर्मिती क्षेत्राचा कोणताही अनुभव नसताना त्यांना राफेलचे कंत्राट दिल्याने राहुल गांधीकडून भाजप सरकारवर मोठ्या प्रमाणात टीका करण्यात आली होती. एवढेच नव्हे तर राफेल कराराच्या खरेदीची संपूर्ण चौकशी झाली तर पंतप्रधान मोदींना तुरुंगात जावे लागेल, असेही काँग्रेसकडून सांगण्यात येत होते. पंतप्रधान नरेंद्र मोदी यांनी देशाचा विश्वासघात केल्याचा आरोप देखील राहुल गांधींनी म्हटले होते.
Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
