HW News Marathi
राजकारण

गडचिरोलीत आज ४ मतदान केंद्रांवर फेरमतदानाला सुरुवात

गडचिरोली । गडचिरोलीमध्ये ४ मतदान केंद्रांवर आज (१५एप्रिल) फेरमतदान होणार आहे. नक्षलवादी कारवायांमुळे मतदान न झाल्यामुळे गडचिरोली -चिमूर (अ.ज) लोकसभा मतदारसंघात ११० वाटेली, ११२ गारडेवाडा, ११३ गारडेवाडा (पुस्कोटी) ११४ गारडेवाडा (वांगेतुरी) येथे आज सकाळी ७ वाजल्यापासून मतदान प्रक्रिया घेण्याचे आदेश निवडणूक आयोगाने दिले आहेत.

नक्षलग्रस्त जिल्हा म्हणून ओळख असलेल्या गडचिरोलीमध्ये मतदानापूर्वीच नक्षलवाद्यांचा हैदोस पाहायला मिळाला होता. नक्षलवाद्यांनी मतदानाच्या आदल्या दिवशी भूसुरुंग स्फोट घडवून आणला होता. मतदानाच्या दिवशीही पोलिसांसोबत चकमक, सी ६०कमांडो पथकावर हल्ला अशा त्यांच्या कुरापती सुरुच होत्या. स्फोटानंतर सुरु असलेले ऑपरेशन आणि सततच्या गोळीबारामुळे निवडणूक अधिकारी संबंधित चार केंद्रांवर वेळेत पोहोचू शकले नाहीत. त्यामुळे इथलं मतदान पुढे ढकलण्यात आले होते.

११० वाटेलीमध्ये रूम नं १ जिल्हा परिषद प्राथमिक शाळा, गट्टा, ११२ गारडेवाडा,-रूम नं २ जिल्हा परिषद प्राथमिक शाळा, गट्टा, ११३ गारडेवाडा (पुस्कोटी) रूम नं ३ जिल्हा परिषद प्राथमिक शाळा, गट्टा तर ११४ गारडेवाडा (वांगेतुरी) रुम नं ४ जिल्हा परिषद प्राथमिक शाळा, गट्टा येथे मतदान होणार आहे. गडचिरोली -चिमूर (अ.ज) लोकसभा मतदारसंघात ११ एप्रिल रोजी सायंकाळी ६ वाजतापर्यंत मतदान पथकांकडून प्राप्त झालेल्या माहितीनुसार अंतिम ७२.०२ टक्के मतदान झाल्याची प्राथमिक माहिती जिल्हाधिकारी कार्यालयातील निवडणूक शाखेतर्फे मिळाली आहे.

 

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

अटलबिहारी यांच्या भाचीला राजनांदगांव मतदारसंघातून उमेदवारी

swarit

इंग्रजांना जाऊन ७२ वर्षे झाली, आता त्यांचे प्रोटोकॉल बंद करा !

News Desk

#MeToo प्रकरणात पोलिसांनी दोन्ही बाजू तपासाव्यात !  

News Desk