मुंबई | राष्ट्रवादीचे ज्येष्ठ नेते छगन भुजबळ यांना बेहिशेबी मालमत्ता प्रकरणी तुर्तास दिलासा मिळाला आहे. ईडीने दाखल केलेल्या पुरवणी आरोपपत्रानुसार 6 सप्टेंबर पर्यंत छगन भुजबळ यांच्यासह 35 आरोपींना वैयक्तिक हमीवर जामीन मंजूर करण्यात आल्याची माहिती प्राप्त झाली आहे. दरम्यान, नव्या प्रकरणात स्वतंत्र गुन्हा दाखल करता येणार की नाही? यावर 6 सप्टेंबरला निर्णय होणार आहे.
बेहिशेबी मालमत्ता जमवल्याप्रकरणी छगन भुजबळ यांची चौकशी सुरू झाल्यानंतर त्यांची रवानगी तुरुंगात करण्यात आली होती. यानंतर लाचलुचपत प्रतिबंधक विभागाने भुजबळांच्या विविध मालमत्तांवर छापे टाकण्याचे सत्र सुरुच ठेवले होते. त्यामुळे भुजबळांची बेहीसाबी मालमत्ता सर्वांच्या समोर आली होती. छगन भुजबळ यांच्या संपत्तीचा आकडा अनेकांचे डोळे विस्फारुन टाकणारा होता. याशिवाय मोक्याच्या जागेवरील मालमत्ता, महागड्या गाड्या, मोठमोठाले फ्लॅट्स यांचा आकडादेखील सर्वसामान्य जनतेला आश्चर्याचा धक्का देणार होता.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
