नवी दिल्ली | सरसंघचालक डॉ. मोहन भागवत यांनी भाजप आणि पंतप्रधान नरेंद्र मोदी यांच्या विरोधकांवर निशाणा साधला. नागपुरामधून देशाचे सरकार चालत नसल्याचे भागवत म्हणाले. मंगळवारी दिल्ली मध्ये झालेल्या भविष्यातील भारत या कार्यक्रमात ते बोलत होते मागितला तरच आरएसएसकडून सल्ला दिला जातो, असा टोला भागवतांनी मोदी विरोधकांना लगावला.
“हा जो अंदाज लावला जातो, की नागपुरातून फोन जातो. सल्ला दिला जातो की कुणी काय करायचे ? हे सर्व खोटे आहे. त्यांना सल्ला हवा असेल, तरच सल्ला दिला जातो”, असे मोहन भागवत म्हणाले.
हिंदू राष्ट्र का मतलब यह नही है कि इसमें मुस्लिम नही रहेगा, जिस दिन ऐसा कहा जायेगा उस दिन वो हिंदुत्व नही रहेगा, हिंदुत्व तो विश्व कुटुंब की बात करता है। #FutureBharat
— RSS (@RSSorg) September 18, 2018
”राजकारणावर आमचा कोणताही प्रभाव नाही आणि त्यांच्या सरकारवरही आमचा प्रभाव नाही. ते स्वयंसेवक आहेत. त्यांचाही स्वतःचा विचार आहे. या स्वातंत्र्याने आणि स्वायत्ततेनेच सरकार चालवले जाते . घटनेनुसार सत्तेचे केंद्र अबाधित राहिले पाहिजे, असे संघाचे मत आहे आणि असे न झाल्यास ते चुकीचे असेल,” असेही यावेळी बोलताना मोहन भागवत म्हणाले.
”राष्ट्रीय मुद्द्यावर आम्ही मत जरुर मांडतो. जे सरकारमध्ये आहेत, त्यांना वाटले तर आमचे मत विचारतात. आम्ही मत मांडण्यात सक्षम असू तरच मत मांडतो, अन्यथा आमचा विचार थोपवत नाही. संघाने जन्मापासूनच निश्चित केलेले आहे, की राजकारणाशी काहीही देणेघेणे नसेल,” असे मत डॉ भागवत यांनी यावेळी मांडले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
