मुंबई । २०१९च्या सार्वत्रिक निवडणुकांसाठी भाजपकडून आमदार व खासदारांची गुणवत्ता चाचणी घेण्यात आली आहे. राज्याचे मुख्यमंत्री देवेंद्र फडणवीस यांनी काहीच दिवसांपूर्वी भाजपच्या १२२ आमदारांना त्यांची गुणपत्रिका पाठविली असून त्यामध्ये तब्बल ४० टक्के आमदारांची कामगिरी अत्यंत वाईट असल्याचे उघड झाले आहे. भाजपची मंगळवारी एक बैठक झाली. या बैठकीत या अहवालाची माहिती दिली आहे. हा अहवाल पाहताच काही जण निराश झाले आहेत तर काहींचा आनंद गगनात मावेनासा झाला आहे.
भाजपाच्या आमदारांबद्दल जनतेचे भावना, कोणत्या मतदारसंघाला जनतेची पहिली पसंती, आमदाराची लोकप्रियता हे सर्व देखील या अहवालात नमूद होते. भाजपचे जवळपास ५० आमदार धोक्यात असून ६ भाजप खासदार या परीक्षेत चक्क नापास झाले आहेत. त्यामुळे उर्वरित दिवसांत उत्कृष्ट काम केले तरच आमदारांना तिकीट मिळणार आहे.
एका खाजगी कंपनीकडून हे सर्वेक्षण करण्यात आले होते. या सर्वेक्षणानुसार २०१९ मध्ये राज्यातील भाजपच्या २१ पैकी सहा खासदारांची तिकिटे जाऊ शकतात. या बैठकीत सुरुवातीला प्रत्येक आमदाराच्या हातात दोन पाकिटे देण्यात आली होती. हिरव्या रंगाच्या पाकिटात राज्य सरकारच्या गेल्या चार वर्षाच्या कार्यकाळातील कामकाजाची तसेच विविध शासकीय योजनांची माहिती दिली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
