नवी दिल्ली | मोदी सरकारला दिलासा देणारी एक आकडेवारी माहिती अधिकाराच्या माध्यमातून समोर आली आहे. पंतप्रधानपदी विराजमान झाल्यापासून पंतप्रधान नरेंद्र मोदी यांचे परदेश दौरे हे कायमच चर्चेचा विषय बनले आहेत. पंतप्रधान मोदी आणि भाजप सरकारमधील मंत्र्यांच्या परदेश दौऱ्यांवरील खर्चावर वारंवार टीका होत असली तरी आता या आकडेवारीनुसार गेल्या चार वर्षांमध्ये भाजप मंत्र्यांच्या विमान प्रवास खर्चात लक्षणीय घट झाल्याचे आढळून आले आहे.
माहिती अधिकारातून करण्यात आलेल्या मागणीनंतर कॅबिनेटच्या जमाखर्च विभागाने सादर केलेली आकडेवारी ही मोदी सरकारला निश्चितच दिलासा देणारी आहे. भाजपचे कॅबिनेट मंत्री तसेच राज्यमंत्र्यांच्या परदेश दौऱ्यांवर गेल्या साडे चार वर्षांमध्ये करण्यात आलेल्या खर्चाची माहिती देण्याची मागणी माहिती अधिकारामार्फत करण्यात आली होती. या आकडेवारीनुसार, १ एप्रिल २०१४ ते ३१ मार्च २०१८ या कालावधीत झालेल्या कॅबिनेट मंत्र्यांच्या परदेश दौऱ्यांचा विमान खर्च २२५.३० कोटी रुपये तर राज्यमंत्र्यांच्या परदेश दौऱ्यांचा खर्च १३.७५ कोटी रुपये इतका असल्याची माहिती प्राप्त झाली आहे.
भाजप मंत्र्यांच्या विमान प्रवास खर्चाची आकडेवारी
वर्ष खर्च
२०१४-१५ ९०.८८ कोटी
२०१५-१६ ८०.५१ कोटी
२०१६-१७ ४०.०२ कोटी
२०१७-१८ २७.६४ कोटी
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
