पुणे | राज्यात शुक्रवारी दहावीचा निकाल जाहीर झाला.अनेक विद्यार्थी विद्यार्थींनी कौतुकास्पद यशा गवसनी घातली. परंतु सध्या सर्वांच लक्ष वेधले जात आहे ते पिंपरी चिंचवड मधील स्थायी समितीच्या सभापती ममता गायकवाड यांचा निकालाकडे.ममता गायकवाड विवाहित असुन त्यांनी लग्नापूर्वीच्या नावाने म्हणजे ममता पवार या नावाने परीक्षा दिली आणि त्या 55 टक्के गुण मिळवून दहावीची हि परीक्षा उत्तीर्ण झाल्या आहेत.
2017 च्या महापालिका निवडणुकीत महिला आरक्षण पडल्यामुळे पती माजी नगरसेवक विनायक गायकवाड यांनी पत्नीला पहिल्यांदाच रिंगणात उतरविले होते. त्यांच्या बाजूने मतदारांनी कौल दिला. पण पत्नीचे शिक्षण आठवीच्या पुढे न झाल्यामुळे त्यांनी सतरा नंबर फॉर्म भरुन दहावीची थेट परीक्षा देण्याचा निर्णय घेतला परीक्षेचे वेळापत्रक आले.
दुसरीकडे मार्च महिन्यात स्थायी समितीच्या सदस्यांची निवड प्रक्रिया सुरु झाली. यात पक्षाने ममता यांचे नाव पुढे केले. इतर तीन सदस्यांमध्ये अध्यक्षपदाची चुरस लागली आणि त्या तिघांची नावे डावलत ममता यांच्या गळ्यात सभापतीपदाची माळ पडली. ममता सभापती झाल्या पण तरीही कामाचा डोलारा सांभाळत त्यांनी जिद्दीने दहावीची परीक्षा दिली. काल लागल्या निकालात ममता गायकवाड पास झाल्यामुळे सर्वांचे लक्ष त्यांच्या या शैक्षणिक जिद्दीने वेधले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
