पुणे | इंधन दरवाढीविरोधात सर्वसामान्य वाहनचालकांकडून आरडाओरड होत असतानाच सलग 15 व्या दिवशीही पेट्रोल-डिझेल महाग होत असल्याचे चित्र राज्यात पहायला मिळत आहे. इंधन दरवाढीमुळे सर्वसामान्य जनता हैराण आहे. या दरवाढीच्या विरोधात केंद्रातील भाजप सरकारचे लक्ष वेधण्यासाठी शिवसेना पुणे शहर व हडपसर मतदार संघाच्या वतीने महादेव बाबर यांच्या नेतृत्वाखाली घोडयावर फेरी मारून विकास बधे, गणेश कामठे महादेव बाबर या शिवसैनिकांनी हे अनोखे आंदोलन केले . यावेळी कोंढवा भागातील खडी मशीन चौकात सरकारच्या विरोधात घोषणा देऊन रास्ता रोको आंदोलनही करण्यात आले.
यावेळी बोलताना शिवसेना नेते गंगाधर बधे म्हणाले , मोदी सरकारला चार वर्षे पूर्ण झाल्यानिमित्त आयोजित कार्यक्रमात भाजपाध्यक्ष अमित शाह यांनी इंधनदराबाबत लवकरच दीर्घकालीन उपाययोजना करणार असल्याचे आश्वासन दिले होते. सरकारी पातळीवर इंधनदर कमी करण्याबाबत घोषणा होत असल्या तरी अंमलबजावणी शून्य असल्याचे दिसून येत आहे. पेट्रोल-डिझेलच्या वाढत्या दरांमुळे देशात ठिकठिकाणी आंदोलने होत असल्याचेही ते म्हणाले.
या आंदोलनात महिला शिवसेना शहरप्रमुख नगरसेविका संगीता ठोसर,मा. नगरसेवक भरत चौधरी, विजय देशमुख, गंगाधर बधे, विकास बधे, मच्छिंद्र दगडे, अमोल हरपळे, किरण ठोसर, प्रवीण ठोसर, गणेश कामठे , सागर कामठे, समीर तुपे, दीपक घुले, अंबादास शिंगे, भरत शेंडकर, माऊली भोईटे, शंकर लोणकर,सचिन कापरे, राम खोमणे, सुनील कामठे व शिवसैनिक मोठ्या संख्येने उपस्थित होते
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
