कर्नाटक | कर्नाटक विधानसभा निवडणुकीचे राजकीय नाट्य अद्याप सुरुच आहे. कर्नाटकात उद्या नवीन सरकार स्थापन होत असतानाच अजूनही राजकीय वादविवाद सुरुच असल्याचे चित्र पहायला मिळत आहे. कुमार स्वामी यांच्या शपथविधीला हिंदु महासभेने विरोध केला असून याबाबत हिंदू महासभेने सुप्रीम कोर्टामध्ये एक याचिका दाखल केली आहे. कुमार स्वामी यांचा शपथविधी घटनाबाह्य असून असल्याचे या याचिकेमध्ये म्हटले आहे.
कुमारस्वामी यांचा शपथविधी बुधवारी दुपारी किंवा संध्याकाळी होणार असल्याची माहिती सुत्रांकडून प्राप्त झाली आहे. तसेच जेडीएस व कॉंग्रेसच्या संयुक्त सरकारच्या नवीन मंत्रिमंडळात दोन उपमुख्यमंत्र्यांचा समावेश होणार असून ही दोन्ही पदे काँग्रेसला देण्याची सूचना राहुल गांधी यांनी कुमार स्वामी यांना केल्याचे समजते आहे. तसेच काँग्रेसचे आमदार आणि येडियुरप्पा यांच्या विरोधात दंड थोपटणारे डी के शिवकुमार यांनाही महत्त्वाचे मंत्रीपद देण्यात येणार आहे तर दुसरीकडे काल वीरशैव महासभेनेही कुमारस्वामी यांना एक पत्र लिहिले असून राज्याचे गृहमंत्रीपद वीरशैव समाजातील आमदारांकडे द्यावा अशीही मागणी या पत्राच्या माध्यमातून करण्यात आली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
