मुंबई | मराठा आरक्षणासाठी राजीनामा दिलेले शिवसेनेचे आमदार हर्षवर्धन जाधव मातोश्रीवर गेले होते मात्र त्यांना भेटण्यास शिवसेना पक्षप्रमुख उद्धव ठाकरे यांनी नकार दिला. मराठा आरक्षणाबाबत सोमवारी उद्धव ठाकरेंनी दुपारी १२ वाजता मातोश्रीवर बैठक बोलावली होती. दरम्यान, राजीनामा दिलेले आमदार हर्षवर्धन जाधव मातोश्रीवर पोचले. मात्र, उद्धव ठाकरेंनी त्यांना भेटीची वेळ दिली नाही. त्यामुळे मराठा आरक्षणाच्या मुद्यावर शिवसेना भाजपसोबत जाणार यावर शिक्कामोर्तब झाले आहे.
मराठा आरक्षणाबाबत सेनेने नेमकी काय भूमिका घ्यावी, यावर या बैठकीत चर्चा झाली. दरम्यान, मराठा आरक्षणासाठी राजीनामा दिलेले सेनेचेच आमदार हर्षवर्धन जाधव मातोश्रीवर पोचले. पण उद्धव ठाकरे यांनी जाधवांना भेटण्यास नकार दिला. त्यानंतर मातोश्रीवर पूर्व नियोजित बैठक पार पडली.दरम्यान, मराठा आरक्षणासाठी हर्षवर्धन जाधव यांनी सोमवारी मंत्रालया जवळ असलेल्या महात्मा गांधी यांच्या पुतळ्याजवळ ठिय्या आंदोलन सुरू केले होते मात्र पोलिसांनी त्यांना ताब्यात घेतले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
