मुख्यमंत्र्यांसह 16 आमदारांच्या अपात्रेवर सुनावणी सुरू

मुंबई। राज्याचे नवनिर्वाचित मुख्यमंत्री एकनाथ शिंदे यांच्या सरकारच्या भवितव्य आज ठरणार आहे. शिंदे गटाच्या १६ आमदारांच्या अपात्रेवर आज (११ जुलै) सर्वोच्च न्यायालयात सुनावणी होणार आहे.  शिंदेंसह १६ आमदारांनी शिवसेनेसोबत बंड पुकारत भाजपशी हात मिळवणी केल्यानंतर शिवसेनेने विधानसभा उपाध्यक्ष नरहरी झिरवळ यांच्याकडे तक्रार केली. यानंतर झिरवळ यांनी १६ आमदारांना अपात्र ठरविण्याची नोटीस बजावली. या नोटीस वरोधात शिंदे गटाने न्यायालयात धाव घेतली. यामुळे

न्यायालयाच्या या सुनावणीकडे संपूर्ण देशाचे लक्ष लागले आहे.

दरम्यान, शिंदेंनी नोटीवर न्यायालयात २७ जून रोजी सुनावणी पार पडली. तेव्हा न्यायालयाने पुढील सुनावणी ११ जुलै रोजी होण्याची तयारी निश्चित केली. या सुनावणीत बंडखोर आमदारांनी महविकास आघाडी सरकारचा पाठिंबा काढून घेतल्याचे सुनावणीदरम्यान सांगितले होते. यावेळी न्यायालयाने शिंदे गटाला विचारले की, मुंबई उच्च न्यायालयात जाण्याऐवजी सर्वोच्च न्यायालयात काय आला?, यावर शिंदे गटाच्या वकिलांनी म्हटले, “आमच्या घरावर हल्ले करत होत आहेत. मुंबईत परत आल्यावर आमपचे मृतदेह परत येतील,”अशी धमकी शिवसेनेचे खासदार संजय राऊत हे माध्यमांतून देत आहे. त्यामुळे आम्ही सर्वोच्च न्यायालयात याचिका दाखल केल्याची माहिती त्यांनी दिले.

शिंदेंनी शिवसेनेसोबत बंड पुकारले, त्यांच्यासह ३९ आमदारांनी देखील पक्षासोबत बंड पुकारला. यानंतर सर्व आमदार सुरतला गेले येथून गुवाहाटीला आठवडाभर मुक्कामी होते. यानंतर शिंदे सरकारने भाजपसोबत राज्यात सरकार स्थापन केले. या एकनाथ शिंदे हे मुख्यमंत्री आणि देवेंद्र फडणवीस हे राज्याचे उपमुख्यमंत्री आहेत. शिंदे-फडणवीस सरकारने ५ जुलै रोजी विधानसभेच्या विशेष अधिवेशनात १६४ मतांनी विजयी मिळवत बहुमत चाचणीच्या परीक्षेत पास झाले.