मुंबई | शिवसेनेचे पक्षप्रमुख उध्दव ठाकरे यांनी आपल्या अयोध्या दौऱ्याची जय्यत तयारी केली आहे. उध्दव ठाकरे हे गुरुवारी(२२ नोव्हेंबर)ला सकाळी शिवनेरी गडावरील छत्रपती शिवाजी महाराजांच्या पदपस्पर्शानं पावन झालेली माती घेउन २४ नोव्हेंबरला अयोध्येला पोहचणार आहे. मात्र त्यांच्या नियोजित सभेला उत्तर प्रदेश पोलिसांनी परवानगी नाकारली आहे.
अयोध्या येथील राम कथा पार्क इथं उध्दव ठाकरे सभा घेणार होते. परंतु ही जागा वादग्रस्त असून याजागेच्या जवळच राम मंदिर आणि बाबरी मस्जिदही आहे त्यामुळे एखाद्या विधानामुळे याठीकाणी वाद निर्माण होऊ शकतो. म्हणून उत्तरप्रदेश पोलीसांनी त्याला नकार दिला आहे.
उत्तरप्रदेश पोलिसांकडून आम्ही सभेसाठी परवानगीच मागितली नाही. अयोध्या काही पाकिस्तानात नाही, त्यामुळे सभेला परवानगी कशाला मागायाची गरजच नाही असे राऊत यांनी सांगितले. उद्धव ठाकरे शरयू नदीच्या किनाऱ्यावर आरती करणार आहे. शरयू नदीवर कार्यक्रम आटोपल्यानंतर पत्रकार परिषद घेणार आहोत असं राऊत यांनी सांगितलं होतं
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
