Connect with us

राजकारण

उद्या सुधीर मुनगंटीवारांचे वनमंत्रीपद जाऊ शकते | राज ठाकरे

Gauri Tilekar

Published

on

मुंबई | “सुधीर मुनगंटीवार बेफिकीरपणे उत्तर देतात”, अशी टीका मनसे अध्यक्ष राज ठाकरे यांनी केली आहे. तसेच यामुळे मुनगंटीवारांचे वनमंत्रीपद जाऊ शकते, असेही राज ठाकरे म्हणाले आहेत. अवनी वाघिणीला ठार मारल्यामुळे वनखात्यावर सर्व स्तरातून मोठ्या प्रमाणावर टीका होत असताना आता राज ठाकरेंनी देखील यावर टीका केली आहे. राज ठाकरे यांनी अनिल अंबानी यांच्यावरदेखील निशाणा साधला आहे. “अनिल अंबानींसाठी भाजपने देश विकायला काढला आहे”, अशी टीका राज ठाकरे यांनी केली आहे. “फक्त पुतळे उभे करून वाघांचे संवर्धन होत नाही”, असा टोलाही राज ठाकरेंनी लगावला आहे.

राजकारण

भाजप आणि राष्ट्रवादीला आणखी एक धक्का

News Desk

Published

on

मुंबई | ऐन निवडणूकीच्या तोंडावर भाजप आणि राष्ट्रवादीला आणखी एक धक्का बसला आहे. भाजपचे नेते व एन्काउंटर फेम माजी पोलीस अधिकारी रवींद्र आंग्रे आणि राष्ट्रवादी काँग्रेसचे सरचिटणीस मुनाफ हकीम यांनी आपल्या अनेक कार्यकर्त्यांसह आज काँग्रेसमध्ये प्रवेश केला आहे. रविंद्र आंग्रे हे भाजपचे नेते आणि मोठे सनदी अधिकारी होते. तर मुनाफ हकीम हे राष्ट्रवादीचे नेते होते. मात्र त्यांनी निवडणुकीच्या तोंडावर भाजप आणि राष्ट्रवादीला सोडचिठ्ठी देत काँग्रेसमध्ये प्रवेश केला आहे. त्यामुळे काँग्रेसची ताकद वाढली आहे भाजप आणि राष्ट्रवादीसाठी हा मोठा धक्का मानला जातोय.

Continue Reading

राजकारण

धुळ्याचे भाजप आमदार अनिल गोटेंनी स्थापन केला नवा पक्ष

News Desk

Published

on

धुळे | धुळे शहरातील भाजपचे आमदार अनिल गोटे यांनी आपण भाजप पासुन वेगळे होत असल्याची घोषणा केली आहे. येणारी महानगर पालीका निवडणूक ‘स्वाभिमानी भाजप = लोकसंग्राम’ पक्षाकडून लढविली जाईल असे त्यांनी सांगितले. गोटे यांच्या या नव्या पक्षाकडून त्यांच्या पत्नी हेमा गोटे ह्या महापौरपदाच्या उमेदवार असतील असे त्यांनी सांगीतले. भाजपाने अनिल गोटे यांना धुळ्यातल्या महापालिका निवडणुकांमधून डावलल्यामुळे नाराज झालेल्या अनिल गोटेंनी आपल्या नव्या पक्षाची घोषणा केली.

भाजपाने आपली फसवणूक केल्याचा आरोपही त्यांनी केला आहे. ९ डिसेंबरला धुळे महापालिकेची निवडणूक होणार आहे. धुळे महापालिकेच्या निवडणुकीच्या पार्श्वभूमीवर अनिल गोटे आणि भाजपा नेते व मंत्री सुभाष भामरे यांच्यात वाद सुरु आहे. त्यामुळेच गोटे यांनी राजीनामाही दिला होता. मात्र पक्षांमध्ये गुन्हेगारांना प्रवेश द्यायचा नाही आणि धुळे महापालिका निवडणूक आपल्या नेतृत्त्वाखाली लढली जावी या दोन अटींवर आपण राजीनामा मागे घेतल्याचे त्यांनी म्हटले होते.

गोटे म्हणाले, आज माझ्या समर्थकांनी एक बैठक घेऊन 9 डिसेंबर रोजी होणा-या आगामी महानगरपालिका निवडणुकीत सर्व 74 जागी स्वतंत्र उमेदवार उभा करण्याचा निर्णय घेतला. आमच्या या पक्षाचे नाव ‘स्वाभिमानी भाजप = लोकसंग्राम’ असे राहील व याच पक्षाच्या नावावर आम्ही निवडणूक लढविणार आहोत. निवडणूक अधिका-यांनी आमच्या नव्या पक्षाला शिट्टी हे चिन्ह दिले आहे असेही गोटे यांनी सांगितले.

भाजपचे केवळ सत्तेसाठी होत असलेले अध:पतन मन अस्वस्थ करणारे आहे. मतांची संख्या वाढ करण्याकरिता आम्ही गुंडांना प्रवेश देतो, असे दानवे सांगतात. गोपीनाथ मुंडे यांनी राजकारणाच्या गुन्हेगारीकरणाविरुद्ध संघर्ष यात्रा काढली होती. आज ते हयात असते, तर तुम्ही असे धाडस केले असते का, असा प्रश्नही आमदार अनिल गोटे यांनी राजीनामा देताना उपस्थित केला होता.

Continue Reading

HW Marathi Facebook

November 2018
M T W T F S S
« Oct    
 1234
567891011
12131415161718
19202122232425
2627282930  

महत्वाच्या बातम्या