भोपाळ | यंदाच्या निवडुकीत मध्य प्रदेशात सत्ता मिळविण्यासाठी काँग्रेस पक्षाचे जोरदार प्रयत्न सुरु आहेत. काल (बुधवारी) राज्यात विधानसभा निवडणुकीसाठी उमेदवारांच्या निवडीसाठी काँग्रेस पक्षाची बैठक झाली होती. या केंद्रीय निवड बैठकीत काँग्रेस अध्यक्ष राहुल गांधी यांच्या समोरच काँग्रेसच्या दिग्गज नेत्यांमध्ये मोठा वाद झाला आहे. ‘आपल्या गटातील उमेदवारांना तिकीट मिळावे’ यासाठी दिग्विजय सिंह आणि ज्योतिरादित्य शिंदे यांच्यात हा मोठा वाद झाला आहे.
दरम्यान या केंद्रीय निवड बैठकीत झालेला वाद इतका मोठा होता कि काँग्रेस अध्यक्ष राहुल गांधी यांना एक त्रिसदस्यीय समिती नेमावी लागली आहे. अशोक गहलोत, वीरप्पा मोईली आणि अहमद पटेल यांचा या समितीत समावेश असून त्यांनी काल रात्री याबाबत बैठक देखील घेतली. परंतु, तरीही या वादावर कोणताही उपाय निघालेला नाही. दरम्यान येत्या ५ नोव्हेंबरपर्यंत काँग्रेस आणि भाजप हे दोन्हीही पक्ष आपल्या सर्व उमेदवारांची नावे जाहीर करणार असल्याची शक्यता वर्तविली जात आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
