Connect with us

राजकारण

प्रश्न हैदराबादचे भाग्यनगर कधी होणार हा नसून अयोध्येत राममंदिर कधी होणार !

News Desk

Published

on

मुंबई | प्रश्न हैदराबादचे भाग्यनगर कधी होणार हा नसून अयोध्येत राममंदिर कधी होणार हा आहे. रामाचा वनवास कधी संपणार ते सांगा. रामाचे भाग्य कधी फळेल ते जाहीर करा. योगी हे मुख्यमंत्री म्हणून प्रचारात तोफा डागत आहेत. जातील तेथे घोषणा व नामांतर असेच सुरू आहे. योगी यांची एक सभा मराठवाडय़ात लावा, म्हणजे औरंगाबादचे संभाजीनगर व उस्मानाबादचे धाराशीव सहज होईल, अशा शब्दात शिवसेना पक्षप्रमुख उद्धव ठाकरे यांनी सामनाच्या संपादकीयमधून उत्तर प्रदेशाचे मुख्यमंत्री योगी आदित्यनाथ यांच्यावर बोचऱ्या शब्दात टीका केली आहे

सामनाचे आजचे संपादकीय

प्रश्न हैदराबादचे भाग्यनगर कधी होणार हा नसून अयोध्येत राममंदिर कधी होणार हा आहे. रामाचा वनवास कधी संपणार ते सांगा. रामाचे भाग्य कधी फळेल ते जाहीर करा. योगी हे मुख्यमंत्री म्हणून प्रचारात तोफा डागत आहेत. केंद्रीय मंत्रिमंडळाने दुकान बंद करून प्रचाराची फळी सांभाळली आहे. जातील तेथे घोषणा व नामांतर असेच सुरू आहे. योगी यांची एक सभा मराठवाडय़ात लावा, म्हणजे औरंगाबादचे संभाजीनगर व उस्मानाबादचे धाराशीव सहज होईल.

तेलंगणात भाजप सत्तेवर आल्यास हैदराबादचे नावभाग्यनगर करू, असे उत्तर प्रदेशचे मुख्यमंत्री योगी आदित्यनाथ यांनी सांगितले आहे. निजामाच्या खुणा पुसून टाकून हैदराबादचे शुद्धीकरण करणे आवश्यक आहे असेही योगींचे म्हणणे आहे. योगी हे भगवे वस्त्रधारी आहेत. त्यामुळे त्यांच्या भूमिका स्पष्ट आहेत. तेलंगणात सत्ता आली तर ओवेसी बंधूंना हाकलून देऊ, असेही त्यांनी जाहीर केले आहे. तेलंगणात निजामाच्या खुणा आहेत व ओवेसी बंधू हे निजामाचे वंशज असल्यासारखेच वागतात. त्यामुळे सरदार पटेलांचा उंच पुतळा उभा करणाऱ्यांनी निजामाची वळवळ थांबवायला हवी. पटेलांनी पोलीस ऍक्शन घेऊन निजामास गुडघे टेकायला लावले, पण हैदराबादेतील मुसलमान समाज आजही निजामाच्याच काळात तरंगत आहे. असे असले तरी ओवेसी बंधू व त्यांच्या ‘एमआयएम’ पक्षाचे राजकारण भाजपसारख्या पक्षांना फलदायी ठरते असेही आक्षेप घेतले जातातच. ओवेसी यांना वापरून राममंदिर प्रश्नी देशात दंगली घडवायचा डाव असल्याची पिचकारी मुंबईतील एका राजकीय नेत्याने मारली. ओवेसी म्हणजे

भाजपची बटीक

असल्याचा आरोप देशातील इतर पक्षही करतात.ओवेसींबरोबर आता प्रकाश आंबेडकर आहेत. त्यामुळे उत्तरेत व इतरत्र काँग्रेसचे नुकसान तसेच भाजपचा कसा फायदा होईल अशी गणिते मांडली जात आहेत. त्यामुळे योगी यांनी हैदराबादचे भाग्यनगर करायचे ठरवले या भूमिकेस महत्त्व आहे. पण निजाम-बाबराच्या खुणा फक्त हैदराबादेतच आहेत काय? हा प्रश्न महत्त्वाचा आहे. संपूर्ण देशभरात आहेत. आमच्या मराठवाडय़ाने निजामाचा अत्याचार सोसला आहे. त्यामुळे औरंगाबादचे संभाजीनगर, उस्मानाबादचे धाराशीव कधी होणार? पुन्हा खुल्ताबाद, अहमदनगर ही नावे आहेतच. योगी धडाधड निजाम आणि बाबराच्या खुणा पुसत चालले आहेत. त्यांनी फैजाबादचे अयोध्या व अलाहाबादचे प्रयागराज केले. त्यावर भाजपमधील मुसलमान नेत्यांची नावेही आता बदलून टाका असा टोला मारण्यात आला. शाहनवाज हुसेन, मुख्तार अब्बास नक्वी यांचेही नामांतर होणार काय? असा सवाल योगी आदित्यनाथ यांच्या मंत्रिमंडळातील एक मंत्री ओमप्रकाश राजभर यांनी केला. तेव्हा अनेकांना हसू आवरता आले नाही. योगी यांच्या राज्यात सध्या

दंगलीचा भडका

उडाला आहे. गोहत्येच्या संशयावरून दंगा भडकला व त्यात एका होनहार हिंदू पोलीस अधिकाऱ्याची आहुती पडली. सैनिक व पोलिसांना धर्म नसतो. ते आपले कर्तव्य बजावत असतात. त्याप्रमाणे राज्यकर्ता म्हणजे राजानेही आपले कर्तव्य पालन करायचे असते. राजा कालस्य कारणम् म्हणजे घडणाऱ्या प्रत्येक गोष्टीस राजा जबाबदार असतो. योगी यांनी मोगलाईच्या खुणा पुसून टाकण्यासाठी शहरांची नावे बदलली, पण मूळ प्रश्न ते सोडवायला तयार नाहीत. त्यांच्या समोर इतिहासाची प्रश्नपत्रिका आहे व ते भूगोलाची उत्तरे देत आहेत. प्रश्न हैदराबादचे भाग्यनगर कधी होणार हा नसून अयोध्येत राममंदिर कधी होणार हा आहे. रामाचा वनवास कधी संपणार ते सांगा. रामाचे भाग्य कधी फळेल ते जाहीर करा. मोदीदेखील ही सर्व कामे सोडून पंतप्रधान म्हणून चार राज्यांत प्रचाराला उतरले आहेत. योगी हे मुख्यमंत्री म्हणून प्रचारात तोफा डागत आहेत. केंद्रीय मंत्रिमंडळाने दुकान बंद करून प्रचाराची फळी सांभाळली आहे. जातील तेथे घोषणा व नामांतर असेच सुरू आहे. योगी यांची एक सभा मराठवाडय़ात लावा, म्हणजे औरंगाबादचे संभाजीनगर व उस्मानाबादचे धाराशीव सहज होईल.

महाराष्ट्र

 पुलवामाच्या गुन्हेगारांना  कशी, कुठे, शिक्षा द्यायची ते आमचे जवान ठरवती !

News Desk

Published

on

 यवतमाळ | पंतप्रधान नरेंद्र मोदी आज (१६ फेब्रुवारी) यवतमाळमधील पांढरकवडा येथे  मोदींच्या हस्ते विविध विकासकामांचे उद्घाटन करण्यात आले आहे. “मी तुम्हाला सांगतो की, जवानांचे बलिदान व्यर्थ जाऊ देणार नाही. ज्या दहशतवादी संघटनांनी हा हल्ला केला आहे. तुम्ही थोडा धीर धरा, आपल्या जवानांवर विश्वास ठेवा, पुलवामाच्या गुन्हेगारांना काही झाले सोडणार नाही, पुलवामाच्या गुन्हेगारांना  कशी, कुठे, शिक्षा द्यायची ते आमचे जवान ठरवती,” असे मोदींनी सभा संबोधित करताना म्हणाले आहे.

पांढरकवडा तालुक्यातील रामदेवबाबा मैदानावर आयोजित मोदींच्या सभेसाठी मोठी गर्दी पाहायला मिळत आहे. या सभेत मोदी म्हणाले की, ” पुलवामा झालेल्या हल्यानंतर संपूर्ण देशभारत संतापाची लाट उसळली आहे. या हल्ल्यात महाराष्ट्रातील २ जवान शहीद झाले आहेत. दहशतवाद्यांविरोधात आम्ही शोध मोहिम हाती घेतली असून मला देशातील भारतीय लष्करावर पूर्ण विश्वास आहे आणि खास करून देशातील सीआरपीएफ जवानांमध्ये जास्त क्रोध आहे. दहशतवाद्यांना कारवाई करण्यासाठी भारतीय जवानांना मी स्वातंत्र्य देण्यात आले आहे.

यंदाच्या बजेटमध्ये शेतकरीबरोबरच गोमांत समाजातील बजारा, श्रमिक समाज आणि शेतमुंजर यांच्यासाठी मोठ्या योजना यांची घोषणा करण्यात आल्या आहेत. पीएम किसान सन्मान निधीच्या नावाने शेकऱ्यांसाठी मदत करणारी योजना आणली आहे. ज्या शेतकऱ्यांना ५ एकरपेक्षा कमी जमिन असेल त्यांच्यासाठी वर्षी ६ हजार रुपये त्यांच्या बँक खात्यात जमा करण्यात येणार आहे.

यावेळी २०१४ मध्ये याच मतदारसंघातील दाभडी गावात ‘चाय पे चर्चा’ कार्यक्रमाला येऊन गेल्याचे मोदींनी आठवण करून दिली आहे. दाभडीला शेतक-यांना दिलेले आश्वासन पूर्ण केल्याचे मोदी यांनी सांगितले. गेल्या साडेचार वर्षात शेकडो योजनांचा शिलान्यास केल्याचे मोदी म्हणाले. आदिवासी मुलांनी एव्हरेस्ट सर केल्याचे सांगितले.

तसेच पंतप्रधान आवास योजने अंतर्गत यवतमाळ जिल्ह्यात तीन हजार घरकुलांचे काम पूर्ण झाले आहे. त्यातील दोन महिलांना प्रातिनिधीक स्वरूपात पंतप्रधान नरेंद्र मोदी यांच्या हस्ते घरकुलाच्या चाबीचे वितरण करण्यात आले. शिवाय गवंडी कामाचे प्रशिक्षण पूर्ण केलेल्या कारागिरांना मोदींच्या हस्ते प्रमाणपत्र वितरण करण्यात आले. यावेळी नागपुरातील अजनी ते पुणे या हमसफर एक्सप्रेसचा शुभारंभ मोदी यांच्या हस्ते हिरवी झेंडी दाखवून करण्यात आला. त्याचे थेट प्रेक्षपण करण्यात आले. बचत गटासाठी भाजपा सरकारने आणलेल्या योजनांची चित्रफित कार्यक्रमस्थळी दाखविली जात आहे.

 

Continue Reading

महाराष्ट्र

पांढरकवडात पंतप्रधान मोदींविरोधात “मोदी गो बॅक”चे पोस्टर

News Desk

Published

on

यवतमाळ | भारताचे पंतप्रधान नरेंद्र मोदी आज (१६ फेब्रुवारी) नागपूरमध्ये दाखल झाले आहे. यवतमाळमधील पांढरकवडा येथे  मोदींच्या हस्ते विविध विकासकामांचे उद्घाटन होणार आहे. यवतमाळ जिल्ह्याच्या दौऱ्यामध्ये मोदी पांढरकवडा येथे महिला बचतगटाच्या कार्यक्रमासाठी येणार आहेत. मोदींच्या दौऱ्यापूर्वी यवतमाळमधील पांढरकवडा येथे “मोदी गो बॅक” अशी फलके लावण्यात आले आहे. युवा काँग्रेसने ही फलके लावल्याचे सांगितले जात आहे. मोदींनी “चाय पे चर्चा” कार्यक्रमातून देशातील शेतकऱ्यांना मोदींनी अनेक आश्वासने दिली होती, परंतु ती आश्वासने त्यंनी पाळली नाही, त्या निषेधार्थ हे फलक लावले गेले.

मोदींच्या हस्ते विदर्भ आणि खान्देशात विविध विकासकामांचा शुभारंभ होणार आहे. यवतमाळ जिल्ह्यातील पांढरकवडा येथे सकाळी पंतप्रधानांच्या हस्ते एकलव्य मॉडेल स्कूलचे उद्घाटन होणार आहे. तसेच प्रधानमंत्री आवास योजने अंतर्गत लाभार्थ्यांना घरांच्या चाव्या प्रदान करण्यात येतील. अजनी (नागपूर) ते पुणे रेल्वेचा ई-शुभारंभ, ग्रामोन्नती योजनेतील लाभार्र्थींना धनादेशाचे वाटप होणार आहे. त्यानंतर ते बचतगटांच्या मेळाव्यास मार्गदर्शन करणार आहेत. या वेळी राज्यपाल के. विद्यासागर राव, मुख्यमंत्री देवेंद्र फडणवीस, केंद्रीय भूपृष्ठ वाहतूक मंत्री नितीन गडकरी, केंद्रीय गृहराज्यमंत्री हंसराज अहीर उपस्थित असतील.

Continue Reading
February 2019
M T W T F S S
« Jan    
 123
45678910
11121314151617
18192021222324
25262728  

महत्वाच्या बातम्या