उत्तम बाबळे
नांदेड – उद्योन्मुख खेळाडूंना राज्यातील क्रीडा प्रबोधीनीमध्ये प्रवेशसाठी काही निकष लावण्यात आले आहेत. यामध्ये प्रबोधिनीच्या यादीतील खेळांतील पात्र खेळाडूंना प्रबोधिनीत सरळ प्रवेश घेण्यासाठी खेळनिहाय चाचण्या द्याव्या लागणार आहेत.
क्रीडा प्रबोधिनीतल्या सरळ प्रवेशासाठी नमुद खेळातील जे खेळाडु महाराष्ट्राचे रहिवासी आहेत असे राष्ट्रीय स्तरावर सहभागी झालेले व राज्यस्तरावर प्रथम, द्वितीय, तृतीय क्रमांकाने विजयी झालेले १७ वर्षाखालील खेळाडु या सरळ प्रवेश प्रक्रियासाठी पात्र आहेत. या प्रवेश प्रक्रियेसाठी जे खेळाडु नियमानुसार व क्रीडा प्रबोधिनीसाठी मान्य खेळ असलेल्या खेळातील पात्र खेळाडुंनी नमुद केलेल्या खेळनिहाय तारखांना आवश्यक प्रमाणपत्रासहीत सकाळी आठ वाजता चाचणीच्या ठिकाणी उपस्थित राहण्याचं आवाहन नांदेडच्या जिल्हा क्रीडा अधिकाऱ्यांनी केलंय.
क्रीडा व युवक सेवा संचालनालयाच्या अधिपत्याखालील शिवछत्रपती क्रीडापिठात अंतर्गत राज्यातील ११ क्रीडा प्रबोधिनीमध्ये ॲथलेटिक्स, ज्युदो, शुटिंग, सायकलींग, वेटलिफिटंग, हॉकी, बॉक्सिंग, जिम्नॅस्टिक, फुटबॉल, कुस्ती, टेबल टेनिस,बॅडमिंटन, जलतरण, आर्चरी, हॅन्डबॉल या खेळातील उदयन्मुख खेळाडुंसाठी क्रीडा प्रबोधीनीच्या निवासी व अनिवासी प्रवेशाकरीता सरळे प्रवेश व खेळनिहाय चाचण्यांचे आयोजन राज्यस्तरावर करण्यात आले आहे.
चाचण्या आयोजनाचे प्रवेश पद्धतीनुसार कार्यक्रम पुढील प्रमाणे राहील. चाचणीचे ठिकाण- शिवछत्रपती क्रीडापीठ म्हाळुंगे बालेवाडी पुणे येथे सरळ प्रवेश प्रक्रिया राबविण्याचा अंतिम दिनांक बुधवार २८ जुन २०१७ रोजी खेळप्रकार- ॲथलेटिक्स, जलतरण, जिम्नॅस्टिक, ट्रायथलॉन, ज्युदो, बॉक्सिंग, सायकलींग, कुस्ती तर गुरुवार २९ जुन रोजी खेळप्रकार- हॉकी, फुटबॉल, हॅण्डबॉल, बॅडमिंटन, टेबल टेनिस, शुटिंग, वेटलिफिंटग. तर प्राचार्य क्रीडा प्रबोधिनी विभाग क्रीडा संकुल अमरावती येथे खेळप्रकार- आर्चरी.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
