विनोद तायडे,
वाशिम स्वच्छप्रसाधन हा विषयावर जनजागृती करण्यासाठी वाशिम रेल्वेप्रशासनाच्या वतीने आयोजित केलेल्या स्वच्छता रॅलीतील विद्यार्थी आणि लोककलावंत यांनी दिलेल्या घोषणांनी शहरवासीयांचे लक्षवेधले. वाशिम जि. प. च्या स्वच्छ भारत मिशन या कार्यालयाचे चित्ररथ आणि लोककलावंतांनी गायलेले स्वच्छतेवरील गाणी हे या रॅलीचे मुख्य आकर्षण होते. सकाळी 8 वाजता नवोदय विद्यालयातून रॅलीला सुरुवात झाली. उपजिल्हाधिकारी सुनील कोरडे यांनी हिरवा झेंडा दाखवुन रॅलीला सुरुवात केली. यावेळी दक्षिण मध्य रेल्वे नांदेड मंडलचे सहाय्यक मंडल अभियंता बी. दयाल आणि स्वच्छ भारत मिशनचे उपमुख्य कार्यकारी अधिकारी सुदाम इस्कापे यांची प्रमुख उपस्थिती होती. रॅलीमध्ये नवोदय विद्यालयाचे विद्यार्थी, जि. प. वाशिमच्या स्वच्छ भारत मिशनचे अधिकारी- कर्मचारी आणि लोककलावंत यांनी या रॅलीत सहभाग घेतला होता. हलक्या पावसाच्या सरी चालु असतांनाहीही रॅली जोरदार घोषणाबाजी करीत स्वच्छतेचा संदेश देण्यात आला. यावेळी नांदेड मंडळ चे अप्पर मंडल रेल्वे प्रबंधक बी. विश्वनाथ इरय्या यांच्या हस्ते रेल्वे स्टेशन समोर वृक्षारोपन केले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
