खेळाडू दारू प्यायल्याने भारत हारला

मुंबई: काही दिवसांपूर्वी चॅम्पियन्स करंडक स्पर्धेच्या अंतिम सामन्यात पाकिस्तानने भारतावर दणदणीत विजय मिळवला होता. या पराभवामुळे भारतीय संघाला मोठ्या टीकेला सामोरे जावे लागले होते. आता या टीकाकारांमध्ये राखी सावंतची भर पडली आहे. राखीने एका संकेतस्थळाला दिलेल्या मुलाखतीत विराट कोहली आणि टीम इंडियातील खेळाडूवर जोरदार टीका केली आहे. अंतिम सामन्याच्या आदल्या दिवशी खेळाडूंनी जास्त दारू प्यायल्यामुळेच भारतीय संघाने हा सामना गमावला. त्यामुळेच दुसºया दिवशी या खेळाडूंना जास्त धावा करता आल्या नाहीत, असा थेट आरोप राखीने केला आहे. भारतीय संघाचा कर्णधार विराट कोहलीवर राखीने खूपच आगपाखड केली आहे. संपूर्ण भारत विराट कोहलीच्या प्रेमात आहे. भारतीय संघ अंतिम सामना सहज जिंकेल, असे वाटत होते. मात्र, झाले उलटेच, पाकिस्तानी संघाने आपला १८० धावांनी पराभव केला.