मुंबई। राष्ट्रवादी आणि काँग्रेस मधले मतभेद हे कोना पासून लपलेले नाहीत. राष्ट्रवादीचे अध्यक्ष शरद पवार यांनी आज (११ जुलै) काँग्रेसचे प्रदेशाध्यक्ष नाना पटोले यांच्यावर टीका केली असून अनेक राजकारणी आता आपली मतं मांडत आहेत. भाजप नेते निलेश राणे यांनीही पटोलेंवर टीका केली आहे. पवार साहेबांनी पटोलेंचा पार पान टपरीवालाच करून टाकला आहे, अशी खोचक टीका निलेश राणे यांनी केली आहे.
काय आहे ट्विट?
नाना पटोले यांच्यावर शरद पवारांनी टीका केल्यावर भाजप नेते निलेश राणे यांनीही ट्विट केलं आहे. निलेश राणे यांनी ट्विट करून ही टीका केली आहे. अरे रे रे… पवार साहेब कधी कधी वाटतं तुम्ही काही लोकांची लायकी खूप चांगली ओळखता. नाना पटोले आता कुठे स्वतःला मुख्यमंत्रीपदाच्या स्पर्धेत बघू लागले होते. तेवढ्यात पवार साहेबांनी त्यांना पान टपरीवालाचं करून टाकला, असं खोचक ट्विट निलेश राणे यांनी केलं आहे.
अरे रे रे… पवार साहेब कधी कधी वाटतं तुम्ही काही लोकांची लायकी खूप चांगली ओळखता. नाना पटोले आत्ता कुठे स्वतःला मुख्यमंत्री पदाच्या स्पर्धेत बघू लागले होते की पवार साहेबांनी त्यांना पान टपरी वालाचं करून टाकला. https://t.co/lY3cxkv4Yd
— Nilesh N Rane (@meNeeleshNRane) July 11, 2021
शरद पवार काय म्हणाले?
गवरी भाष्य करताना राष्ट्रवादीचे अध्यक्ष शरद पवार म्हणाले की, “पटोलेंसारख्या लहान माणसावर मी बोलणार नाही”. आता यावर स्वतः नाना पटोले किंवा काँग्रेसकडून काय पलटवार येणार हे पाहणे महत्त्वाचे असणार आहे.
पुढे शरद पवार यांना काँग्रेसचे प्रदेशाध्यक्ष नाना पटोले यांनी पुण्याचे पालकमंत्री अजित पवार यांच्यावर टीका केली त्यावर प्रश्न विचारण्यात आला. यावेळी शरद पवार म्हणाले की, “मी यात पडत नाही. हा जर सोनिया गांधी काही बोलल्या असत्या तर मी बोललो असतो”, असं म्हणत शरद पवारांनी यावर बोलणं टाळलं आहे. शरद पवार म्हणाले की, “काँग्रेस शिवसेना व आमच्या पक्षातील लोकही स्वबळावर लढण्याचा बद्दल बोलत आहेत. मात्र यामध्ये काही गैर आहे असे मला वाटत नाही. शेवटी प्रत्येक पक्षाला आपल्या पक्षाची व्याप्ती वाढविण्याचा अधिकार आहे. आम्ही सरकार एकत्र येऊन चालवत आहे पक्ष एकत्र येऊन चालवत नाही. सरकार चालवताना एक विचाराने आम्ही सर्व जण आहोत. त्यामुळे आमच्यात कसल्याही प्रकारचा गैरसमज नाही”, असं शरद पवारांनी स्पष्ट केले आहे.
काय म्हणाले नाना पटोले?
काँग्रेस प्रदेशाध्यक्ष नाना पटोले यांनी नाराजी व्यक्त करत आपलं मत व्यक्त केला आह. “मी जे बोललो त्यात माघार घेणारच नाही. स्वबळावरच निवडणूक लढवणार. त्यामुळे आपण कामाला लागा. मी माध्यमांशी बोलताना म्हणालो की, मुख्यमंत्र्यांनी काल शिवसैनिकांना कामाला लागण्याबद्दल सांगितलं. मग मी बोललो होतो तर त्रास होत होता, ते बोलले तर ठीक आहे. काही नाही”, असा चिमटा पटोले यांनी उद्धव ठाकरेंना काढला. यावेळी अजित पवार यांच्यावरही त्यांनी निशाणा साधला. “आता बारामतीवाले पुण्याचे पालकमंत्री आहेत ते कुणाची कामं करतात… आपल्या लोकांची कामं करतात का? मग आपण संपर्कमंत्र्यांना लक्ष घालायला सांगतो, पण संपर्कमंत्र्यांचं ऐकायचं की नाही ते त्यांनी ठरवायचं… कारण सही त्यांची लागते. संपर्कमंत्र्यांची सही लागत नाही,” असा टोला नाना पटोले यांनी लगावला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
