मुंबई।राज्यातील जनता कोरोना लॉकडाऊन यांचा सामना करत करत पुरती होरपळून निघाली आहे. आणि अशातच आता सामान्य जनतेचा आक्रोश केंद्र आणि राज्य सरकारसमोर मांडला पाहिजे. त्यामुळे कोरोनाचे नियम पाळून राज्यात आंदोलन करण्याचं आवाहन राज्याचे जलसंपदा मंत्री जयंत पाटील यांनी कार्यकर्त्यांना केलं आहे. माझ्या माता भगिनींच्या गृहिणींच्या बजेटमध्ये फार मोठं संकट केंद्रसरकारने निर्माण केले आहे. अचानकपणे सिलेंडरचे दर २५ रुपयांनी वाढवले. २० दिवसाला ८०९ रुपये तर महिन्याला दीड हजार रुपये सिलेंडरमागे सर्वसामान्य जनतेला द्यावे लागणार आहेत. याचा निषेध करताना जयंत पाटील यांनी आज आणि उद्या राज्यातील जिल्ह्या जिल्ह्यात आणि तालुक्यात आंदोलन करण्यात येणार असल्याचं त्यांनी स्पष्ट केलंय.
सर्वसामान्यांच्या स्वैंपाकासाठी आवश्यक घरगुती गॅस सिलिंडरची किंमत केंद्र सरकारने २५ रुपयांनी वाढवली. सततच्या इंधन दरवाढीमुळे गृहिणींचं बजेट कोलमडलंय. पक्षातर्फे उद्या व परवा प्रत्येक तालुका व जिल्ह्याच्या ठिकाणी इंधन दरवाढीच्या निषेधार्थ आंदोलन छेडले जाणार आहे.
– @Jayant_R_Patil pic.twitter.com/VQVh7Q4tdF— NCP (@NCPspeaks) July 1, 2021
केंद्र सरकार अर्थातच मोदी सरकारने वाढवलेल्या घरगुती गॅसच्या किंमती, इंधन दरवाढ आणि महागाई विरोधात राष्ट्रवादी काँग्रेसने आज आणि उद्या राज्यभर आंदोलन पुकारल्याची माहिती राष्ट्रवादी काँग्रेसचे प्रदेशाध्यक्ष आणि जलसंपदा मंत्री जयंत पाटील यांनी दिली. तुमचं सिलेंडर आमच्या घराच्या सुखसमृद्धीत आणि शांतीमध्ये आग लावत असेल तर राष्ट्रवादी काँग्रेस आंदोलन छेडल्याशिवाय गप्प बसणार नाही, असा इशारा जयंत पाटील यांनी यावेळी दिला आहे. जगावं की मरावं असा प्रश्न हॅम्लेटच्या नाटकात विचारला होता. मोदींच्या केंद्रसरकारमुळे वाढलेल्या महागाईनं व इंधन दरवाढीनं सर्वसामान्यांचे व गृहिणींचे बजेट कोलमडून पडलं आहे. जगावं की मरावं या प्रश्नाचे उत्तर ‘मन की बात’ मध्ये दिसते त्यावेळी ते ‘मरावंच’ असं दिसत असल्याचा टोला जयंत पाटील यांनी लगावलाय.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
