मुंबई | अंबानी यांच्या घर बाहेर स्फोटकची गाडी ठेवल्याप्रकरणी आणि मनसुख हिरेन हत्येप्रकरणी अटक केलेले सचिन वाझे यांच्या अडचणीत वाढ झाली आहे. एनएआयच्या आरोपपत्रात असं म्हटलं आहे की, वाझे हा एका कॉल गर्लला दरमहा 50 हजार रुपये पगार देत असत. एवढेच नाही तर त्याने त्या महिलेला एका कंपनीत संचालक देखील बनवलं होतं. एनआयएच्या चौकशीत संबंधित महिलेने हा खुलासा केला आहे.
‘ती’ महिला एका कंपनीत होती संचालक
चौकशीदरम्यान महिलेने NIA ला सांगितले की, तिला वाझेने एका कंपनीत संचालक देखील बनवलं होतं. दरम्यान, यावेळी तिने असंही म्हटलं की, ‘कंपनीच्या खात्यात जमा केलेले 1.25 कोटी रुपये नेमके कोठून आले होते हे आपल्याला माहित नाही.’
‘वाझे यांनी नोकरी सोडण्यास सांगितले होते’
महिलेने आपल्या जबाबात असं म्हटलं आहे की, ती एक एस्कॉर्ट होती. पण वाझेने तिला एस्कॉर्टची नोकरी सोडण्यास सांगितले होतं. त्या बदल्यात तो तिला ऑगस्ट 2020 पासून दरमहा 50 हजार रुपये देत होता.
एवढेच नव्हे तर वाझेने तिला या कमाईतून मालकीच्या दोन कंपन्या उघडण्याचा सल्लाही दिला होता. महिलेने सांगितले की, ‘वाझेने तिला 50 हजार रुपयांव्यतिरिक्त कोणतेही रोख पैसे दिलेले नाहीत. पण काही पैसे तिच्या बचत खात्यात किंवा दोन कंपन्यांच्या चालू खात्यांमध्ये ट्रान्सफर केले होते.’
मुंबईतील एका पंचतारांकित हॉटेलच्या सीसीटीव्ही फुटेजशी संबंधित प्रश्नावर महिलेने सांगितले की, ‘वाझेनी तिला 18 ते 19 फेब्रुवारी दरम्यान 40 लाख आणि 36 लाख रुपयांच्या नोटा दिल्या होत्या. बॅगामध्ये भरून या नोटा आणण्यात आल्या होत्या.’ तब्बल 76 लाख रुपयांच्या नोट मोजण्यासाठी वाझेने त्या महिलेकडे दिल्या होत्या.
दरम्यान, जेव्हा महिलेला RTGS बद्दल विचारण्यात आले तेव्हा तिने सांगितले की, ‘ज्या संस्थांमधून तिच्या खात्यात पैसे हस्तांतरित केले गेले त्याबद्दल तिला काहीही माहिती नाही.’
नेमकं काय घडलं?
२५ फेब्रुवारीला उद्योगपती मुकेश अंबानी यांच्या घरासमोर स्फोटकांनी भरलेली एक स्कॉर्पियो कार आढळून आली होती.तर या गाडीचे मालक मनसुख हिरेन यांचा मृतदेह यानंतर काही दिवसांनी म्हणजेच ५ मार्च रोजी कळव्यातल्या खाडीमध्ये सापडला होता. आधी या प्रकरणाचा तपास दहशतवादविरोधी पथक करत होतं. मात्र, त्यानंतर कोर्टाच्या आदेशानुसार, हा तपास राष्ट्रीय तपास यंत्रणेकडे सोपवण्यात आला. या दोन्ही प्रकरणातल्या आरोपांवरुन वाझे यांना एनआयएकडून अटक कऱण्यात आली आहे.
अंबानी यांच्या घराजवळ आढळून आलेली स्फोटकांची गाडी आणि गाडीचे मालक मनसुख हिरेन यांच्या हत्या या दोन्ही प्रकरणांचा सध्या एनआयएकडून तपास सुरू आहे. या प्रकरणात एनआयएने मुंबई पोलीस दलातील निलंबित अधिकारी सचिन वाझे यांच्यासह काही अधिकाऱ्यांना अटक केलेली असून, त्यांची चौकशी केली जात आहे. एनआयएने न्यायालयात महत्त्वाची माहिती दिली आहे. मनसुख हिरेन यांच्या हत्येचा कट ज्या बैठकीत रचण्यात आला, तिथे वाझेही उपस्थित होते, असा दावा एनआयएने केला आहे.
मनसुख हिरेन यांची हत्या करण्यामागील हेतू काय होता? या कारणाच्या खूप जवळ पोहोचलो असल्याचं एनआयएने न्यायालयात सांगितलं. यावेळी आरोपी विनायक शिंदे याचा या गुन्ह्यात कसल्याही प्रकारचा सहभाग नसल्याचं शिंदेचे वकील गौतम जैन यांनी न्यायालयात सांगितलं. सीम कार्ड देण्याव्यतिरिक्त कोणत्याही प्रकारे आरोपीला या प्रकरणात जबाबदार ठरवलं गेलेलं नाही, असं जैन म्हणाले. शिदे नऊ दिवसांपासून तपास यंत्रणांच्या कोठडीत असून, आणखी कोठडी देण्याची गरज नसल्याचा युक्तीवादही जैन यांनी केला. दुसरीकडे नरेश गोर यांचा या प्रकरणात फक्त सीमकार्ड पुरवण्यापर्यंतच सहभाग आहे. त्यांना खोट्या प्रकरणात अडकवण्यात आल्याचं गोर यांचे वकील अफताब डायमंडवाले यांनी न्यायालयात सांगितलं. न्यायालयाने सुनावणी अंती दोघांच्या एनआयए कोठडीत ७ एप्रिलपर्यंत वाढ केली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
