मुंबई | भाजप खासदार उदयनराजे भोसले यांनी मुख्यमंत्री उद्धव ठाकरे यांची भेट घेतली आहे. मुख्यमंत्र्यांच्या वर्षा निवासस्थानी दोघांमध्ये काही वेळ चर्चा झाली आहे. यावेळी मराठा आरक्षणाच्या विषयासह इतर विषयांवरही दोघांत चर्चा झाली अशी माहिती मिळत आहे. मराठा आरक्षणाचा मुद्दा राज्यात दिवसेंदिवस तापत चालला आहे. यावर लवकर मार्ग काढावा अशी मागणी मराठा समाजाकडून वारंवार केली जात आहे.
खासदार उदयनराजे यांनी यापूर्वी मराठा आरक्षण प्रश्नावर राष्ट्रवादी काँ ग्रेसचे अध्यक्ष शरद पवार यांची भेट घेतली होती. मराठा आरक्षणात वडीलकीच्या नात्याने लक्ष घालावे, या संबंधीच्या खटल्यामध्ये कोणत्याही प्रकारचा वेळकाढूपणा आणि हलगर्जीपणा करू नये, तशा सक्त सुचना राज्य सरकारला देवून हा प्रश्न लवकरात लवकर मार्गी लावावा.
तसेच विविध मुद्यांवर श्वेतपत्रिका काढण्याचा आदेश राज्य सरकारला द्यावा, अशी मागणी उदयनराजे यांनी शरद पवार यांच्याकडे केली होती. मराठा आरक्षणाबाबत राज्य सरकारने गंभीरपणे लक्ष न दिल्यास उद्रेक होईल, असा इशाराही त्यांनी दिला होता.
आता त्यांनी मराठा आरक्षण प्रश्नी मुख्यमंत्री ठाकरे यांची भेट घेतली आहे. त्यांच्या या भेटीने राजकीय वर्तुळात चर्चेला उधाण आले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
