मुंबई । “ज्यांचे डिपॉझिट वाचत नाही त्याची तुम्ही काय एवढी नोंद घेता? त्या व्यक्तीला निवडणुकीला उभे राहिल्यानंतर जनतेचा पाठिंबा मिळतोय का? प्रमुख पक्षाचे तिकीट घेऊन या पठ्ठ्याचे डिपॉझिट जप्त झाले होते आणि तुम्ही मला पत्रकार परिषदेमध्ये प्रश्न विचारताय?”, अशी बोचरा सवाल करत राष्ट्रवादीचे नेते आणि राज्याचे उपमुख्यमंत्री अजित पवार यांनी भाजप आमदार गोपीचंद पडळकर यांच्याबाबत संताप देखील व्यक्त केला आहे.
“पडळकर यांची टीका म्हणजे विनाशकाली विपरीत बुद्धी आहे”, अशीही टीका अजित पवार यांनी केली आहे. पडळकर यांनी आज (१२ फेब्रुवारी) राष्ट्रवादीचे अध्यक्ष शरद पवार यांच्यावर टोकाची टीका करत जेजुरी इथल्या अहिल्यामाई होळकर यांच्या पुतळ्याचे स्वतःच अनावरण केले. खरंतर, उद्या (१३ फेब्रुवारी) शरद पवार यांच्या हस्ते या पुतळ्याचे अनावरण होणार होते. मात्र त्यापूर्वीच पडळकरांनी हे अनावरण केल्याने मोठा वाद निर्माण झाला आहे. याच पार्श्वभूमीवर, अजित पवार यांनी पडळकर यांच्यावर जोरदार टीका केली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
