पुणे | थिएटर आणि सिनेसृष्टीत आपल्या अभिनयाने रसिकांचे मन जिंकणाऱ्या अभिनेत्री प्रिया बेर्डे आता राजकारणाच्या मंचावर पदार्पण करणार आहेत. येत्या ७ जुलैला त्या राष्ट्रवादी काँग्रेसमध्ये प्रवेश करणार आहेत. खासदार सुप्रिया सुळे यांच्या उपस्थितीत त्या राष्ट्रवादीमध्ये प्रवेश करणार आहेत.
प्रिया बेर्डे यांच्यासोबत अभिनेते सिध्देश्वर झाडबुके, अभिनेते विनोद खेडेकर, लावणीसमाज्ञी शकुंतलाताई नगरकर, अभिनेत्री सुहासिनी देशपांडे, निर्माते संतोष साखरे, लेखक दिग्दर्शक डॉक्टर सुधीर निकम, अखिल भारतीय चित्रपट महामंडळाचे उपाध्यक्ष मिलंद अष्टेकर सर्वजण राष्ट्रवादीमध्ये प्रवेश करणार आहेत.
‘सकाळ’शी बोलताना त्या म्हणाल्या, यापुढच्या काळामध्ये मराठी आणि हिंदी चित्रपट सृष्टीचे प्रश्न समाजापुढे मांडत त्यांची सोडवणूक करण्याचा माझा प्रयत्न असेल. कोरोनाचा काळ असला तरी काही गोष्टी या नंतरच्या काळात होऊ शकतात, यावर माझा विश्वास आहे आणि त्यादृष्टीने माझे प्रयत्न सुरू आहे, असेही त्यांनी सांगितले.
राष्ट्रवादी काँग्रेसच्या चित्रपट व सांस्कृतिक विभागाचे प्रदेश कार्याध्यक्ष बाबा पाटील, यांनी या प्रवेशाबाबत आनंद व्यक्त केला असून बेर्डे यांनी त्यांच्या उद्दिष्टासाठी योग्य प्लॅटफॉर्म निवडला आहे, अशी प्रतिक्रिया व्यक्त केली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
