बेंगळुरू | बी एस येडियुरप्पा यांनी अखेर शनिवारी कर्नाटकच्या मुख्यमंत्री पदाचा राजीनामा दिला. शुक्रवारी कोर्टाने दिलेल्या निर्णयानुसार शनिवारी विधानसभेत येडियुरप्पांना बहुमत सिद्ध करणे गरजेचे होते. शनिवारी दुपारी ३.३० वाजता विधानसभेच्या कामकाजाला सुरुवात झाली. दरम्यान येडियुरप्पा भाषणाला उभे राहिले परंतु बहुमत चाचणीला सामोरे न जाताच त्यांनी पदाचा राजीनामा दिला.
यावेळी भाषण करताना येडियुरप्पा भावुक झाले होते. यावेळी बोलताना ते म्हणाले, केंद्राच्या निधीचा कर्नाटकात योग्य वापर झाला नाही. तसेच कर्नाटकात लोकसभेच्या 28 पैकी 28 जागा आम्ही जिंकू असा विश्वास यावेळी बोलताना त्यांनी व्यक्त केला. मुख्यमंत्री म्हणून सत्तेत आल्यानंतर येडियुरप्पा यांनी कर्नाटकच्या मुख्यमंत्री पदाचा अवघ्या काही तासांत राजीनामा दिला. येडियुरप्पा यांच्या राजीनाम्यामुळे काँग्रेस आणि जेडीएसचे सरकार स्थापन होण्याचा मार्ग मोकळा झाला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
