सातारा | राष्ट्रवादी काँग्रेसचे अध्यक्ष शरद पवार हे सध्या दुष्काळी तालुक्यांचा दौरावर आहेत. जलसंधारणाच्या कामाची पहाणी करत असताना, ग्रामस्थांशी चर्चा करताना निधी कमी पडत असल्याचे शरद पवार यांच्या लक्ष्यात आले. त्यानंतर पवार यांनी अवघ्या अर्ध्या तासात साडेसहा कोटींचा निधी उभारला.
श्रमदानातून जलसंधारणाचे काम करुन दुष्काळाचे नामोनिशाण मिटवण्यासाठी लागेल, ती मदत करायला मी तयार आहे, या गावातील लोकांना जमा निधी तत्काळा गावागावात पोहोचावा. या निधीतून डिझेल आणि तांत्रिकीकरणाचे काम करावे, आणखी लागेल ती मदत मी करायला असल्याचे शरद पवार यांनी माण आणि खटावच्या जनतेला सांगितले.
साताऱ्यातील जिल्हा बँकेचे अध्यक्ष शिवेंद्रसिंहराजे भोसले यांनी एक कोटीची मदत करण्याची ग्वाही दिली. सातारा जिल्हा परिषदेचे अध्यक्ष संजीवराजे नाईक-निंबाळकर यांची दीड कोटींची मदत, त्यानंतर मुंबई व पुण्यातील उद्योग जगतातील काही लोकांना मदत करण्यासाठी पवार यांनी विनंत केल्यानंतर त्यांनी दोन कोटीची मदत करण्याचे मान्य केले. अवघ्या अर्ध्या तासाभरात शरद पवार यांना तब्बल साडेसहा कोटीचा निधी जमा केला.
कोणी किती मदत निधी
- सातारा जिल्हा मध्यवर्ती बँक – १ कोटी
- सातारा जिल्हा परिषद – दीड कोटी
- सातारा जिल्हा नियोजन समिती – १ कोटी
- शरद पवार यांच्या खासदार निधीतून – ५० लाख
- वंदना चव्हाण खासदार निधी – ५० लाख
- मुंबई, पुणे काही उद्योजक – २ कोटी
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
