मुंबई | कोरोनामुळे सुरू असलेल्या लॉकडाऊनमुळे असंघटित क्षेत्रातील अनेक मजूर राज्यातील काही भागात अडकले आहेत. सुमारे ९४४ निवारागृहांमध्ये हे मजूर राहत असून त्यांना प्रशासनामार्फत विविध सोयीसुविधा पुरविल्या जात आहेत. याच जोडीला त्यांना जिल्हा मानसिक आरोग्य कार्यक्रमाद्वारे मानसिक समुपदेशन करण्याचे काम आरोग्य विभागामार्फत सुरू आहे. आतापर्यंत राज्यातील ४७ हजार स्थलांतरित मजुरांना या सेवेचा लाभ मिळाला आहे. त्याचबरोबर ज्यांना संस्थात्मक क्वारंटाईन करण्यात आले आहे त्यांचेही समुपदेशन केले जात आहे.
जिल्हा मानसिक आरोग्य कार्यक्रमाद्वारे राज्यातील सुमारे ९४४ निवारागृहांमध्ये राहणाऱ्या मजुरांचे मानसिक समुपदेशन सुरू. आतापर्यंत ४७ हजार स्थलांतरित मजुरांना या सेवेचा लाभ. त्याचबरोबर संस्थात्मक क्वारंटाईन केलेल्यांचेही समुपदेशन- आरोग्यमंत्री @rajeshtope11 यांची माहिती pic.twitter.com/rdNTW4N8so
— MAHARASHTRA DGIPR (@MahaDGIPR) April 24, 2020
कोरोना प्रतिबंध आणि नियंत्रणासाठी लॉकडाऊन घोषित झाल्यानंतर राज्यातील आणि राज्याबाहेरील असंघटीत क्षेत्रातील मजूर अडकले आहेत. या स्थलांतरित मजुरांची राहण्याची आणि जेवणाची सोय विविध जिल्ह्यांमध्ये करण्यात आली. घरापासून दूर राहणे, आर्थिक कुचंबणा, कोरोना आजाराची सुप्त भीती यामुळे या मजुरांना अनेक मानसिक व्याधींना तोंड द्यावे लागते. यासाठी जिल्हा मानसिक आरोग्य कार्यक्रमाद्वारे या स्थलांतरित मजुरांना समुपदेशन देण्यात येत आहे.
राज्यातील समुपदेशक, मनोविकार तज्ज्ञ, मनोविकार परिचारिकांची या कार्यक्रमात महत्त्वाची भूमिका. मध्यम ते गंभीर स्वरुपाचे मनोविकार असणाऱ्या मजुरांना भरती करुन त्यांच्यावर योग्य ते उपचार देखील सुरू. मजूर वर्गामध्ये या समुपदेशनाचा विधायक परिणाम दिसतोय- आरोग्यमंत्री @rajeshtope11
— MAHARASHTRA DGIPR (@MahaDGIPR) April 24, 2020
मजुरांमध्ये समुपदेशनाचा विधायक परिणाम
कोरोनाची सोप्या भाषेत माहिती, घ्यावयाची काळजी, काय करावे, काय करु नये याबाबत या मजुरांना माहिती देण्यात येत आहे. समुपदेशक, मनोविकार तज्ज्ञ आणि मनोविकार परिचारिका यामध्ये महत्त्वाची भूमिका बजावत आहेत. या समुपदेशनाचा विधायक परिणाम मजूर वर्गामध्ये दिसत आहे, अशी माहिती राज्याचे आरोग्यमंत्री राजेश टोपे यांनी दिली.
कोरोना पार्श्वभूमीवर कोरोनाची सोप्या भाषेत माहिती,घ्यावयाची काळजी,काय करावे, काय करु नये याबाबत या मजूरांना माहिती देण्यात येत आहे.राज्यातील समुपदेशक, मनोविकार तज्ञ आणि मनोविकार परिचारिका यामध्ये महत्वाची भूमिका बजावत आहेत.या समुपदेशनाचा विधायक परिणाम मजूर वर्गामध्ये दिसत आहे.1/2
— Rajesh Tope (@rajeshtope11) April 24, 2020
समुपदेशना दरम्यान, ज्या मजूरांना मध्यम ते गंभीर स्वरुपाचे मनोविकार आहेत त्यांना भरती करुन योग्य ते उपचार देण्यात येत आहेत. सध्या सुमारे आठ हजाराच्या आसपास लोकांना संस्थात्मक क्वारंटाईन करण्यात आले आहे. तिथे जाऊन त्यांचे समुपदेशन करुन, त्यांच्या अडचणी समजवून घेण्याचे काम केले जात आहे.
राज्यात सध्या३० समुपदेशक,२८मनोविकार तज्ज्ञ,३६ मनोविकार नर्स यांच्या माध्यमातून काम केल जात आहे.प्रत्येक जिल्ह्यात साधारणत: 2 ते 3 पथक आहेत.जिल्हा मानसिक आरोग्य कार्यक्रमाच्या माध्यमातून यापथकाद्वारे प्रेरणा प्रकल्पांतर्गत शेतकरी आत्महत्याग्रस्त भागात समुपदेशनाचे काम केले जाते.2/2
— Rajesh Tope (@rajeshtope11) April 24, 2020
राज्यात सध्या ३० समुपदेशक, २८ मनोविकार तज्ज्ञ, ३६ मनोविकार नर्स यांच्या माध्यमातून हे काम केले जात आहे. प्रत्येक जिल्ह्यात साधारणत: दोन ते तीन पथक आहेत. जिल्हा मानसिक आरोग्य कार्यक्रमाच्या माध्यमातून यापथकाद्वारे प्रेरणा प्रकल्पांतर्गत शेतकरी आत्महत्याग्रस्त भागात समुपदेशनाचे काम केले जाते. गेल्या वर्षी कोल्हापूर, सांगली येथे आलेल्या पुरानंतर तेथील पूरग्रस्तांनाही समुपदेशनाचं काम या पथकामार्फत करण्यात आले होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
