मुंबई | शिवसेनेशी निवडणूकपूर्व युती व्हावी अशी भाजपची इच्छा आहे परंतु शिवसेनेला युती करायची नसेल तर आमची काही हरकत नाही. असे नमूद करत भाजप निवडणुकांना पूर्ण ताकदीने सामोरे जाईल असा विश्वास अर्थमंत्री सुधीर मुनगंटीवार यांनी सोमवारी व्यक्त केला.
नागपूरमध्ये विधिमंडळाचे पावसाळी अधिवेशन घेण्याबाबत चर्चा करण्यासाठी शिवसेना पक्षप्रमुख उद्धव ठाकरे यांच्या भेटीची वेळ सुधीर मुनगंटीवार यांनी मागितली होती. ठाकरे परदेशी गेल्यामुळे एप्रिलच्या पहिल्या आठवड्यातली भेट बारगळली.
केंद्रीय पातळीवर नाणार येथील रिफायनरी प्रकल्पाबाबत करार झाला याला शिवसेनेचा विरोध आहे. कडेगावमधील शिवसैनिकांच्या हत्येवरून उद्धव ठाकरे नाराज असल्याने भेटीची वेळ पुढे ढकलल्याचे समजते. संजय राऊत यांनी पुन्हा एकदा कोणत्याही परिस्थितीत युती होणार नाही, असे विधान केले आहे. या पाश्र्वभूमीवर मुनगंटीवार यांच्याकडे माध्यमांच्या प्रतिनिधींनी विचारणा केली असता आम्ही युती करणारे आहोत. युती तोडणारे नाही असेही ते यावेळी माध्यमांच्या प्रतिनिधींशी बोलताना म्हणाले.
सध्या भाजप-शिवसेनेच्या सरकारने लोकांच्या हिताचे निर्णय घेतले आहेत. त्यामुळे अशा परिस्थितीत युती तोडून पुन्हा लोकांच्या अपेक्षांचा भंग करणार नाही. याच भावनेने युती करण्याचा भाजपचा विचार आहे. परंतु एकाच्या इच्छेने युती होत नसते. शिवसेनेची इच्छा नसेल तर हरकत नाही, असे मुनगंटीवार म्हणाले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
