मुलुंड|महाराष्ट्र नवनिर्माण सेनेचे अध्यक्ष राज ठाकरे यांच्या हस्ते रविवार १५ एप्रिल रोजी मुलुंड येथे १०० महिलांना रिक्षा वाटप करण्यात आले. पुरुषांच्या खांद्याला खांदा लावून महीला काम करत आहेत. त्यामुळे मला आजच्या कार्यक्रमात विषेश आनंद होतोय. मनसे कडून महिलांचा आज सन्मान झाला ही बाब पक्षासाठीही अभिमानाची बाब आहे. आम्ही महिला सक्षमिकरणाला हातभार लावतोय परंतु भाजप बलात्कार करणा-यांच्या मागे उभे रहात आहे असे म्हणत राज यांनी भाजप सरकारवर महिला संरक्षण, तरुणांना नोक-या यांच्यासह अनेक मुद्यांवर चौफेर फटकेबाजी केली.

यावेळी राज म्हणाले, हा कार्यक्रम राजकीय सभा नाही त्यामुळे इथे जास्त काही बोलने योग्य नाही . येत्या १ मे ला महाराष्ट्र दिनादिवशी माझ्या महाराष्ट्र दौ-याला सुरुवात आहे. त्या पार्श्वभूमीवर पहिली सभा पालघर मध्ये होईल तेव्हा पालघरच्या सभेत सविस्तर बोलेन असे यावेळी राज ठाकरे म्हणाले. राज महाराष्ट्र दो-याला सुरुवात करताना पहिल्या सभेत काय बोलणार हे पहाणे औत्सुक्याचे ठरणार आहे.