मुंबई | देशसेवेसाठी प्राणाची आहुती देणा-या जवानांच्या पत्नींना एसटी महामंडळ आजीवन राज्यभर मोफत प्रवास देण्यात येणार आहे. बाळासाहेब ठाकरे शहीद सन्मान योजनेंतर्गत वीरपत्नींचा अनोख्या पद्धतीने सन्मान करण्याचा निर्णय महामंडळाने घेतला आहे. या निर्णयाची अंमलबजावणी १ मे महाराष्ट्र दिनापासून करण्यात येणार असल्याचे एसटी महामंडळाच्या परिपत्रकात म्हटले आहे.
परिवहनमंत्री आणि एसटी अध्यक्ष यांच्या अध्यक्षतेखाली झालेल्या बैठकीत वीरपत्नींसाठी आजीवन मोफत पास देण्याचा निर्णय घेण्यात आला. याबाबतचे परिपत्रक नुकतेच प्रसिद्ध केले. वीरपत्नींच्या माहितीसाठी महामंडळाने सैनिक कल्याण विभागाकडे पत्रव्यवहार केला आहे.या पत्रात जिल्हानिहाय सैनिक कल्याण अधिकारी यांची माहिती मागवण्यात आली असून ती संबंधित एसटी जिल्हा अधिकाऱ्यांना पाठवून वीरपत्नींसाठी आजीवन मोफत प्रवासी पास देण्यात येणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
