न्युयॉर्क | जगभारात कोरोनाची लाट उसळली आहे. मात्र, अशा कठीण परिस्थितीतही काही देश हे इतर देशांना मदत करत आहेत. अशा देशांचे कौतुक संयुक्त राष्ट्रानेही केले आहे. संयुक्त राष्ट्राचे सरचिटणीस अँटोनियो ग्युटेरेस यांनी अनेक देशांना सलाम केला आहे. भारताने अमेरिकेसह इतरही काही देशांना हायड्रोक्सीक्लोरोक्वाईनचा पुरवठा केल्यानंतर अँटोनियो ग्युटेरेस यांनी भारताचे कौतुक केले आहे.
“कोरोनाशी लढा देण्यासाठी सर्व जगात एकता निर्माण झाली पाहिजे अशी भावना संयुक्त राष्ट्राच्या सरचिटणीसांनी व्यक्त केली. याचा अर्थ प्रत्येक देश जो मदत करण्यास समर्थ आहे त्याने इतर देशांना मदत केली पाहिजे. जे अशी मदत करत आहेत त्यांना आमचा सलाम आहे,” असे अँटोनियो ग्युटेरेस यांनी म्हटले असल्याची माहिती त्यांचे प्रवक्ते स्टीफन यांनी पत्रकार परिषदेत दिली. भारत इतर देशांना औषधांचा पुरवठा तसेच इतर मदत पुरवत असल्याच्या प्रश्नावर उत्तर देताना त्यांनी हे वक्तव्य केले होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
