अमेरिकेत शिक्षणासाठी दरवर्षी घ्यावी लागणार परवानगी

वृत्तसंस्थाः अमेरिकेते शिक्षण घेत असाल तर डोकेदुखी वाढण्याची शक्यता आहे. कारण अमेरिकेत राहण्यासाठी विद्यार्थ्यांना आता दरवर्षी सरकारची परवानगी घ्यावी लागणार आहे. सरकार यातील नियमांमध्ये बदल करण्याच्या तयारीत असून हा बदल झाल्यास प्रत्येक विद्यार्थ्याला नव्याने परवानगी घ्यावी लागणार आहे. अमेरिकेत जगभरातून लाखो विद्यार्थी शिक्षण घेतात. त्यात भारतीयांचा वाटा मोठा असतो. एकदा व्हिसा मिळाल्यानंतर विद्यार्थी तीन ते चार वर्षे अमेरिकेत राहतात. काहीजण ग्रीनकार्ड मिळवून कायमचे रहिवाशी होतात किंवा नोकरीनिमित्त तिथेच स्थायिक होता. नव्या नियमामुळे विद्यार्थ्यांना दरवर्षी परवानगीची औपचारिकता पूर्ण करावी लागणार आहे.