मुंबई | भाजपच्या दिल्ली येथील कार्यालयात भाजप नेते जय भगवान गोयल यांनी पंतप्रधान नरेंद्र मोदी यांची तुलना छत्रपती शिवाजी महाराजांशी करणारे पुस्तक प्रकाशित केले. त्यांनी ‘आज के शिवाजी नरेंद्र मोदी’ असे पुस्तक लिहून त्याचे प्रकाशनही केले.
या पुस्तकाच्या प्रकाशानंतर भाजपवर संपुर्ण महाराष्ट्रातून टिकेची झोड उठली आहे. शिवसेनेचे खासदार संजय राऊत यांनीही पाठोपाठ चार ट्विट करत भाजपवर टीका केली. त्याचपद्धतीने त्यांनी छत्रपतींच्या वंशंजांना लक्ष केले आहे . त्याचबरोबर त्यांनी छत्रपतींच्या गादीचा वारसा सांगणाऱ्यांना हे मान्य आहे का? अशी विचारणाही केली आहे.
संजय राऊत यांनी आपल्या ट्विटमध्ये म्हटलं आहे की असा खोडसाळपणा छत्रपतींच्या वंशजांना मान्य आहे का असा प्रश्न विचारून भाजपवासी झालेल्या उदयन राजेंना जणू यावर खुलासा करायला हवा असे सुचवले. त्यानंतर ‘सातारा गादीचे वारसदार श्रीमंत उदयन राजे, श्रीमंत शिवेंद्रराजे कोल्हापूरचे छत्रपती संभाजी राजे यांना हे मान्य आहे का? शिवरायांच्या वंशजांनो बोला.. काहीतरी बोला..’ असे तिसरे ट्विट करत त्यांनी थेट वंशजांची नावेच घेत यावर प्रतिक्रिया देण्याच आवाहन केले.संजय राऊतांच्या ट्विट्सची ही संपुर्ण मालिका ..
आज के शिवाजी नरेंद्र मोदी..
असे महान पुस्तक लिहून भाजपा कार्यालयात प्रसिद्ध करणारे हे महशय कोण आहेत?हेच ते जयभगवान गोल.यांनी दिल्लीतील महाराष्ट्र सदनावर हल्ला करून शिवरायांचया महाराष्ट्राला व मराठी माणसाला शिव्या घातल्या होत्या. शाब्बास भाजपा!!! pic.twitter.com/LxWySzDX7s
— Sanjay Raut (@rautsanjay61) January 12, 2020
जय भगवान गोयल आधी शिवसेनेत होते.महाराष्ट्र सदनावर हल्ला करताच त्याची शिवसेनेतून हकालपट्टी करण्यात आली.
शिवाजी महाराजाचा एकेरीत ऊललेख करून या महाशयांनी नरेंद्र मोदी यांची तुलना महाराजां बरोबर केली हे भाजपात शिरलेलया छत्रपतीचया वंशजांना मान्य आहे का? pic.twitter.com/TwoVw45V2h
— Sanjay Raut (@rautsanjay61) January 12, 2020
सातारा गादीचे वारसदार श्रीमंत ऊदयन राजे श्रीमंत शिवेंद्रराजे कोल्हापूरचे छत्रपती संभाजी राजे यांना हे मान्य आहे का?
शिवरायांचया वंशजांनो बोला..
काहीतरी बोला.. pic.twitter.com/FVZEOIkn8v
— Sanjay Raut (@rautsanjay61) January 12, 2020
निदान महाराष्ट्र भाजपाने तरी यावर भुमिका सपष्ट करावी.
छत्रपती शिवाजी महाराज यांची तुलना या विश्वात कुणाशीच होऊ शकत नाही..
एक सुर्य..एक चंद्र आणि एकच शिवाजी महाराज…छत्रपती शिवाजी महाराज… pic.twitter.com/A2bef0eKWs
— Sanjay Raut (@rautsanjay61) January 12, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
