उत्तर प्रदेश : टॉयलेट एक प्रेमकथा या चित्रपटामध्ये शौचालयासाठी होणाऱ्या पतीकडे आग्रह करणाऱ्या मुलीचा संघर्ष दाखिवण्यात आला आहे. असाच प्रकार प्रत्यक्षातच घडला आहे.
मेरठमधील एका मुलीने अशाचप्रकारचे धाडस दाखविले. सासरी शौचालय असल्याशिवाय आपण लग्न करणार नाही, अशी मागणी या मुलीने केली आणि विशेष म्हणजे तिच्या सासरकडून ही मागणी मान्य करण्यात आली. मेरठमधील फलावदा याठिकाणी ही घटना घडली असून शौचालय बांधण्याचे काम सुरूही झाले आहे.
मेरठमधील या दोघांचे लग्न आई-वडिलांच्या मान्यतेनुसार ठरले आहे. मुलगा पदवीधारक असून तो एका खासगी कंपनीत नोकरी करत आहे. तर मुलगी १२ वी पास आहे. लग्न ठरल्यानंतर मुलाने आपल्या घरातील सर्वांची मुलीशी ओळख करून दिली. एकमेकांशी बोलत असताना मुलीने सहज घरात शौचालय आहे की नाही याबाबत चौकशी केली. तेव्हा घरात शौचालय नसून सर्व स्त्रिया त्यासाठी जंगलात जात असल्याचे सांगितले. याशिवाय अनेक वर्षांपासून असेच सुरु असल्याचेही त्याने मुलीला सांगितले. त्यामुळे तिने आधी शौचालय मग लग्न असा पवित्रा घेतला आणि सासरच्या मंडळींनी तिच्या या मागणीचा आदर राखला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
