र्मुंबई- पारदर्शकतेचा टेंभा मिरवणारे मुख्यमंत्री देवेंद्र फडणवीस खरे तर व्यापारी, दलाल, कंत्राटदार यांचे अदृश्य पाठिराखे असून त्यांनी आरे येथी कारशे प्रकल्पात 18 हजार कोटींचा घोटाळा केल्याचा आरोप कॉँग्रेसचे नेते संजय निरूपम यांनी पत्रकार परिषद घेऊन केला आहे. आरे येथे मेट्रो कारशेडसाठी केवळ बारा हेक्टर जागा पुरेशी असताना राज्य सरकारने आरे येथील कारशेडसाठी तीस हेक्टर जागा ताब्यात घेण्याचा घाट घातला आहे. कारशेडच्या नावाखाली तब्बल १८ हेक्टर जागा बिल्डरांच्या घशात घालण्याचा सरकारचा डाव असल्याचा आरोप निरूपम यांनी मंगळवारी केला.
मुंबई काँग्रेस कार्यालयात आयोजित पत्रकार परिषदेत संजय निरुपम म्हणाले की, देशभरात जिथे मेट्रो आहे तिथे १२ हेक्टरमध्ये कारशेड उभारण्यात आली आहेत. मात्र,राज्यातील फडणवीस सरकार आरे येथील ३० हेक्टर जमीन ताब्यात घेत आहे. १२ हेक्टरमध्ये कारशेड उभारायचे आणि उर्वरित १८ हेक्टर जमीन व्यावासायिक आणि बिल्डरांना आंदण दिली जाणार आहे. आरेतील या जमीनीचा सध्याचा दर पाहता हा तब्बल १८ हजार कोटींच्या भ्रष्टाचार असल्याचा आरोप निरूपम यांनी केला. यावेळी आरे बचाव समितीचे डी. स्टेलीयान, बिजू अगस्तीन, प्रिया मिश्रा व अमृता भट्टाचार्य उपस्थित होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
