मुंबई पालिका निवडणुकांचा प्रचार अंतिम टप्प्यात असताना मतदारांनी लोकांचे हित जपणाऱ्या उमेदवाराला मतदान करावे, यासाठी जनजागृती केली जात आहे. नोटाबंदीच्या निर्णयानंतर होत असलेली ही पहिली निवडणूक भयमुक्त आणि पारदर्शी वातावरणात पार पडावी, यासाठी राज्य निवडनुक आयोगाने उमेदवारांच्या खर्चाची तपासणी करण्यासाठी प्रथमच प्राप्तिकर आणि विक्रीकर अधिकाऱ्यांची नेमणूक केली आहे. त्यानुसार पहिल्या टप्प्यात शहरातील ३३ वॉर्डातील उमेदवारांच्या खर्चाची तपासणी करण्यात येणार आहे.
मुंबई महापालिकेच्या निवडणुकांना रंग चढायला सुरुवात झाली आहे. प्रचार, रॅली आणि सभांची रेलचेल सुरू असतानाच मतदारांना उमेदवारांकडून भेटवस्तूंचे आमीष दाखवण्याचे कामही सुरू असते. मतांच्या बदल्यात पैशांचे वाटप केले जाते. अनेकदा मतदारांना मतदान करण्यासाठी धमकावले ही जाते. नुकताच समाजवादी पक्षाच्या उमेदवाराकडून मतदारांना पैसे वाटतानाचा व्हिडीओ व्हायरल झाला होता. या आधी निवडणूकीत निवडणूक आयोगाकडूनच उमेदवारांच्या हालचालींवर लक्ष ठेवले जात होते. मात्र, यंदा प्रथमच उमेदवारांच्या निवडणूक खर्चाची तपासणी विक्रीकर आणि प्राप्तिकर विभागाच्या अधिकाऱ्यांकडून केली जाणार आहे. त्यानुसार पहिल्या टप्प्यात शहरातील ३३ वॉर्डातील उमेदवारांच्या खर्चाची तपासणी करण्यात येणार आहे. याच पद्धतीने इतर उमेदवारांचीही टप्प्याटप्प्याने तपासणी होईल. या तपासणीसाठी प्राप्तिकर विभागातील अधिकाऱ्याची निवडणूक खर्चपरीक्षक, तर विक्रीकर अधिकाऱ्याची सहाय्यक निवडणूक खर्च परीक्षक म्हणून नियुक्ती करण्यात आली आहे.
या प्रत्येक उमेदवारांच्या निवडणूक खर्चाचा अहवाल वेळोवेळी सादर केला जाणार आहे. निवडणुकांच्या कामाच्या संदर्भात सोपवण्यात आलेल्या अधिकाऱ्यांनी कामात दिरंगाई अथवा जाणीवपूर्वक टाळाटाळ केल्यास त्यांच्यावरही कारवाई होऊ शकते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
