मुंबई | अहमदनगर महानगरपालिकेच्या महापौर निवडणुकीमध्ये पक्षादेश डावलून भाजपला मतदान केल्याने राष्ट्रवादी काँग्रेसच्या नगरसेवकांना पक्षातून बडतर्फ करण्यात आले आहे. तर जिल्हाध्यक्षांना देखील अध्यक्षपदावर काढून टाकण्यात आल्याची माहिती राष्ट्रवादीचे प्रदेशाध्यक्ष जयंत पाटील यांनी दिली आहे.
अहमदनगर महानगरपालिकेच्या महापौरपदाच्या निवडणुकीत राष्ट्रवादीच्या नगरसेवकांनी पक्षाचा आदेश डावलून भाजपाच्या उमेदवाराला पाठिंबा दिला. या १८ नगरसेवकांना पक्षातून बडतर्फ करण्याची कारवाई प्रदेशाध्यक्ष @Jayant_R_Patil यांनी केली आहे. pic.twitter.com/y7BwjlqYQQ
— NCP (@NCPspeaks) January 12, 2019
अहमदनगर महानगरपालिकेच्या महापौर निवडणुकीमध्ये राष्ट्रवादी काँग्रेसच्या नगरसेवकांना पक्षाने काँग्रेसला पक्षाला मतदान करण्याचा आदेश दिलेला असताना तो डावलण्यात आला. त्यानंतर पक्षाच्यावतीने त्यांना सात दिवसांत आपली बाजू मांडण्याची संधी प्रदेश सरचिटणीस शिवाजीराव गर्जे यांनी नोटीसीद्वारे दिली होती. परंतु यावर कोणताही खुलासा करण्यात आला नसल्याने पक्षाच्यावतीने कारवाई करण्यात आली.
अहमदनगर महानगरपालिकेच्या महापौरपदाच्या निवडणुकीत पक्षादेशाचा भंग होत असताना त्याची माहिती पक्षश्रेष्ठींना न दिल्याबद्दल अहमदनगर शहर, राष्ट्रवादी काँग्रेसचे जिल्हाध्यक्ष माणिकराव विधाते यांना पदावरून काढून टाकण्यात येत असल्याचे पत्र प्रदेशाध्यक्ष @Jayant_R_Patil यांनी दिले आहे. pic.twitter.com/GtKinPOo6A
— NCP (@NCPspeaks) January 12, 2019
जिल्हाध्यक्ष माणिकराव विधाते यांनी अशा प्रकारच्या पक्षविरोधी कारवाई होत असताना पक्षश्रेष्ठींना कोणती कल्पना दिली नाही किंवा घडलेल्या घटनेबाबत कोणताही खुलासा न केल्याने त्यांनाही पदावरून काढून टाकण्यात आले आहे, असे प्रदेशाध्यक्ष जयंत पाटील यांनी सांगितले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
