नवी दिल्ली | खोट्या कागदपत्रांसह पाकिस्तानात घुसखोरी केल्याचा आरोप करुन अटक केलेल्या भारतीय नागरिकाची मंगळवारी (१८ डिसेंबर) सुटका होणार आहे. पेशावर उच्च न्यायालयाकडून सुटकेचे आदेश देण्यात आले आहेत. त्या व्यक्तीचे नाव हमीद अन्सारी असे आहे. त्यांच्यावर पाकिस्तानमध्ये घुसखोरी करून हेरगिरी केल्याचा आरोप करण्यात आला होता. सध्या हमीद अन्सारीला पेशावरमधील मध्यवर्ती तुरुंगात ठेवण्यात आले आहे. एएनआय या वृत्तसंस्थेने याबाबतच वृत्त दिले आहे.
हमीद अन्सारी यांनी ‘हमजा’ या खोट्या नावाने कागदपत्रे बनवून पाकिस्तानामध्ये घुसखोरी केल्याचा दावा पाकिस्तानी अधिकाऱ्यांनी केला आहे. हमीद अन्सारी यांची सोशल मीडियाच्या माध्यमातून मैत्री झालेल्या एका मुलीला भेटण्यासाठी ते नोव्हेंबर २०१२ रोजी अवैधपणे पाकिस्तानमध्ये गेले होते. त्यानंतर पाकिस्तानी अधिकाऱ्यांनी अन्सारी यांना पकडले होते.
खोट्या कागदपत्रांसह हेरगिरी करण्यासाठी पाकिस्तानात घुसखोरी केल्याचा आरोप करत त्यांना तीन वर्षांची शिक्षा देखील सुनावण्यात आली होती. मात्र, शिक्षा पूर्ण भोगल्यानंतरही पाकिस्तानने अन्सारी यांची सुटका झाली नाही. त्यानंतर अन्सारी यांच्या वकिलांनी पेशावर उच्च न्यायालयाकडे दाद मागितली. अखेर त्यांच्या सुटकेचा मार्ग मोकळा झाला आहे. हमीद अन्सारी हे मूळचे मुंबईचे रहिवासी आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
