मुंबई | “सिंचन घोटाळा प्रकरण अद्याप न्यायालयात असल्याने मी सध्या यावर काहीही बोलू शकत नाही. मी या प्रकरणासाठी होणाऱ्या चौकशीला सहकार्य करीत राहणार आहे. माझा न्यायव्यवस्थेवर संपूर्ण विश्वास आहे”, असे राष्ट्रवादी काँग्रेसचे नेते अजित पवार यांनी म्हटले आहे. लाचलुचपत प्रतिबंधक विभागाकडून उच्च न्यायालयाच्या नागपूर खंडपीठात ‘विदर्भ व कोकणातील सिंचन प्रकल्पांमध्ये झालेल्या गैरव्यवहाराला तत्कालीन जलसंपदामंत्री अजित पवार जबाबदार ठरतात’, असे प्रतिज्ञापत्र मंगळवारी सादर करण्यात आले आहे.
११ नोव्हेंबर २००५ रोजी नोटशीटमार्फ़त ‘विदर्भातील प्रकल्पांच्या कामांना गती देण्याबाबतीत लवकरात लवकर निर्णय होणे आवश्यक आहे. त्यामुळे कार्यकारी संचालकांनी सदर धारिका थेट अध्यक्षांच्या कार्यालयात पाठवाव्यात,’ असा निर्देश अजित पवार यांनी दिला होता. अजित पवार यांचा हा निर्देश बेकायदेशीर व निर्धारित प्रक्रियेचे उल्लंघन करणारे होते. म्हणूनच या प्रकरणी अजित पवार यांना जबाबदार ठरविण्यात आल्याचे एसीबीने म्हटले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
