रायपूर । आगामी विधानसभा निवडणुकीच्या पार्श्वभूमीवर भाजपने छत्तीसगढमध्ये जाहीरनाम्याची घोषणा केली आहे. या जाहीरनाम्यात भाजपाने नवीन घोषणा केल्या आहेत. भाजपचे अध्यक्ष अमित शहा यांनी छत्तीसगडची राजधानी रायपूरमधल्या एका हॉटेलमधून हा जाहीरनामा प्रसिद्ध केला आहे. भाजपने या जाहीरनाम्यामध्ये गाव, गरीब आणि शेतकऱ्यांच्या प्रश्नांवर जोर दिला आहे. तसेच तरुणांना रोजगाराच्या संधी उपलब्ध करून देणार असल्याचेही सांगितले आहे.
Raipur: BJP President Amit Shah and Chhattisgarh CM Raman Singh release manifesto for Chhattisgarh Assembly elections pic.twitter.com/GvTJHo5LCk
— ANI (@ANI) November 10, 2018
“नक्षलवाद्यांना क्रांतीचं माध्यम समजणारा पक्ष छत्तीसगडचं काहीही भलं करणार नाही. भाजप यंदाच्या विधानसभा निवडणुकीत मोठा विजय मिळवून छत्तीसगडमध्ये चौथ्यांदा सत्तेत येईल. आजारी राज्य असलेला छत्तीसगड आता वीज आणि सिमेंट उत्पादनाचं केंद्र झाला आहे”, असे शहा म्हणाले आहेत. काँग्रेस शेतक-यांना फक्त व्होट बँक समजते अशी टीका छत्तीसगडचे मुख्यमंत्री डॉ. रमण सिंह यांनी टीका केली आहे. यावेळी भाजपध्यक्ष अमित शाह यांच्याबरोबरच डॉ. रमण सिंह, कॅबिनेट मंत्री अमर अग्रवाल यांच्यासह भाजपाचे दिग्गज नेते उपस्थित होते.
भाजपच्या जाहीरनाम्यातील काही महत्त्वाचे मुद्दे
– आमचं सरकार पुन्हा सत्तेत आल्यास अंबिकापूर आणि जगदलपूरमध्ये मल्टि स्पेशालिटी रुग्णालय बनवणार
– स्मार्ट कार्ड धारकांना ५० हजारांहून १ लाख रुपये युनिर्व्हसल हेल्थ स्कीमअंतर्गत देण्यात येणार
– पत्रकार कल्याण बोर्डाची स्थापना केली जाईल
– छत्तीसगढमध्ये फिल्म सिटीचं निर्माण करणार
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
