मुंबई | मुंबई उच्च न्यायालयाने अनधिकृत होर्डिंग्स आणि बॅनर्स लावल्याप्रकरणी भाजप, मनसे,रिपब्लिकन पक्ष, आणि राष्ट्रवादी काँग्रस या सर्व राजकीय पक्षांना काल (शुक्रवार) नोटीस बजावली आहे. मुंबई उच्च न्यायालयाच्या आदेशानुसार ‘या सर्व राजकीय पक्षांना त्यांनी अनधिकृत होर्डिंग्स बॅनर्स का लावले ?’ याचे स्पष्टीकरण उच्च न्यायालयाला द्यावे लागणार आहे. त्याचप्रमाणे राजकीय पक्षांच्या कार्यकर्त्यांवर राजकीय पक्ष स्वत: कोणती कारवाई करणार ? याची माहिती देखील उच्च न्यायालयाने देण्यास सांगितली आहे.
मागील सुनावणीत याचिकाकर्त्यांनी सादर केलेल्या अहवालानुसार, महापालिकांच्या हद्दीत शिवसेना व भाजपकडून सर्वाधिक अनधिकृत होर्डिंग्स लावण्यात आल्याचेही समोर आले आहे. त्याचप्रमाणे त्यांच्या पाठोपाठ काँग्रेस, राष्ट्रवादी काँग्रेस, मनसे यांचा देखील अनधिकृत होर्डिंग्स लावण्यात समावेश होतो.
मुंबई उच्च न्यायालयाने जानेवारी २०१७ मध्ये दिलेल्या आदेशानुसार जून, २०१७ मध्ये राजकीय पक्षांनी अनधिकृत होर्डिंग्स, बॅनर्स लावणार नाही आणि कार्यकर्त्यांनाही तशी सूचना देऊ, अशी या सर्व राजकीय पक्षांनी न्यायालयाला दिली होती. तरीही यावेळी सणांच्या काळात पुन्हा या सर्व राजकीय पक्षांनी म्हणजेच त्यांच्या कार्यकर्त्यांना अनधिकृत होर्डिंग्स आणि बॅनर्स लावल्याचे याचिकाकर्त्यांच्या वकिलांनी न्यायालयाच्या निदर्शनास आणून दिले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
