मुंबई | शिवसेनाप्रमुख बाळासाहेब ठाकरे यांच्या मृत्युपत्राला आव्हान देणारी याचिका जयदेव ठाकरे यांनी अखेर मागे घेतली आहे. हे प्रकरण आणखी पुढे नेण्याची इच्छा नसल्याचे सांगत जयदेव ठाकरे यांनी आपली याचिका मागे घेतली आहे. जयदेव ठाकरे यांनी बाळासाहेब ठाकरे यांच्या मृत्युपत्रातील मजकुराबद्दल संशय व्यक्त केला होता.
शिवसेनाप्रमुख बाळासाहेब ठाकरे यांच्या निधनानंतर उद्धव ठाकरे आणि जयदेव ठाकरे यांच्यातला संपत्तीवरून वाद उफाळून आला होता. त्यानंतर हा वाद मुंबई हायकोर्टातही गेला. जयदेव ठाकरे यांनी बाळासाहेब ठाकरे यांच्या मृत्युपत्रातील मजकुराबद्दल संशय व्यक्त केला होता. त्यानंतर या प्रकरणाची न्यायालयात सुनावणी सुरू होती. जयदेव यांनी आक्षेप घेतल्याने सध्या याबाबत कायदेशीर वाद सुरू झाला होता. “हे मृत्यूपत्र तयार करताना बाळासाहेबांची प्रकृती खालावलेली होती. त्यांची दिशाभूल करून हे मृत्यूपत्र तयार करण्यात आले होते. मृत्यूपत्र प्रामणित करून घेण्यासाठी उद्धव हे न्यायालयात अर्ज करू शकत नाही”, असा दावा जयदेव यांनी केला होता. परंतु यानंतर मृत्युपत्राला आव्हान देणारी याचिका मागे घेत जयदेव ठाकरेंनी बाळासाहेब ठाकरेंची संपत्ती उद्धव ठाकरेंना मिळण्याचा मार्ग मोकळा करून दिला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
