मुंबई ।अरबी समुद्रामध्ये २४ ऑक्टोबरपासून शिवस्मारकाच्या कामाला सुरुवात करण्यात येणार आहे. या संबंधीचे आदेश एल अँड टी कंपनीला देण्यात आले असून २ हजार ८०० कोटी रुपये खर्चून स्मारकाच्या पहिल्या टप्प्याचे काम करण्यात येणार आहे. तीन वर्षात हे काम पूर्ण होणार असल्याची माहिती शिवस्मारक समितीचे अध्यक्ष आमदार विनायक मेटे यांनी दिली आहे. डिसेंबर २०१७ मध्ये नरेंद्र मोदी यांच्या हस्ते शिवस्मारकाचे जल पूजन करण्यात आले होते.
कसे असेल शिवस्मारक…
शिवस्मारक पूर्णपणे समुद्रात बांधण्यात येणार आहे. त्यामुळे या ठिकाणी भविष्यात मोठ्या प्रमाणात पर्यटक भेटी देणार असल्याने प्रकल्पाची उंची व सुरक्षा, समुद्रातील खार्‍या पाण्यात आणि आर्द्रतेत स्मारक कसे टिकावू ठरेल इत्यादी बाबींचा तांत्रिक अभ्यास करण्यासाठी तांत्रिक समिती नेमण्यात आली आहे. मात्र, या समितीकडे मूळ डिजाईनमध्ये झालेल्या बदलांचा प्रस्ताव सादर करण्यात आलेला नसल्याने त्याची मान्यता अजून प्रलंबित आहे. त्यामुळे सरकारने परवानगी मिळण्याची वाट न बघता स्मारकाचे काम सुरु करण्यास सांगितले आहे. स्मारकाचे काम दोन टप्प्यात करण्यात येणार आहे. पहिला टप्प्यासाठी २ हजार ८०० कोटी रुपयांचा खर्च अपेक्षीत आहे. दुसर्‍या टप्प्याचे काम व त्याची किंमतनंतर ठरविण्यात येणार आहे. गिरगाव चौपाटीपासून ३.६ कि. मी. आणि नरिमन पॉईंटपासून २.६ कि. मी. अंतरावर आहे. हे स्मारक ६.८ हेक्टरवर बांधण्यात येणार असून छत्रपती शिवाजी महाराज यांचा २१० मीटर उंचीचा पुतळा उभारण्यात येणार आहे. हा जगातील सर्वाधिक उंचीचा पुतळा असेल.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
